MAHKHAPRÜ 1:4 - AMÜSÜH HÜM CL Bible (BSI)

⁴ Judüki Judanü yü tüsho Atungpuhnü Kananrübo le Perizrübo arü khah ching jih, tüsho arünü Bezek ching arü 10,000 laksah.

MAHKHAPRÜ 1:4 Iomraidhean Croise

1 KIULONG THSÜRÜ 22:15

Küyimki api kiulongthsüpuh ki arükhea, kiulongthsüpuhnü api ki tha, “Mikaia, isa keochihpü Ramothgilead ching yüba shi, dashi isa müyüba?” Apinü alo, “Wutuang tüsho kukang; Atungpuhnü ju kiulongthsüpuh khah ching jihbah.”

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

MAHKHAPRÜ 1:3

Tüsho Judanü aniurü Simeon ki tha, “I kilim akhukhita jihkhi lomi ching I lung arang, tüsho isanü Kananrübo bebah thirithsübah. Tüsho inü she nüsa lung nüsa kilim akhukhita jihkhi lomi ching arübah.” Jumonü Simeonnü api lung yü.

MAHKHAPRÜ 1:5

Kheaküshe arünü Bezek ching Adonibezek ngü, tüsho api bede keochih, tüsho Kananrü le Perizrübo kuk.

MAHKHAPRÜ 11:32

Jumonü Jephthanü Amon mihtsürü kilim arü bede keochihpü yü, tüsho Atungpuhnü arübo api khah ching jih.

MAHKHAPRÜ 3:5

Junangde Israelrü ju Kananrü, Hivrü, Amorrü, Perizrü, Hitrü tüsho Jebusrü lung lakheah.

1 SAMUEL 11:8

Küyimki apinü arü Bezek ching trüngmukhungkhea, Israel chingnü 300,000, tüsho Juda chingnü 30,000 lakheah.

1 SAMUEL 14:10

Tüshe arünü, ‘Isa kilim atung,’ de thasho ikenü awutubah; tümüde Atungpuhnü arübo ike khah ching jihdo. Hoju ike thsungkheaknü amütsan labah.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”