MAHKHAPRÜ 1:27 - AMÜSÜH HÜM CL Bible (BSI)

²⁷ Manaserünü Beth-shan ching larü tüsho kiulongbo yungsho Taanak tüsho ju kiulongbo, yungsho Dor ching larü tüsho ju kiulongbo, yungsho Megiddo ching larü tüsho ju kiulongbo ching larü müyankhit; tüshe Kananrünü mutuklode ju ching la.

MAHKHAPRÜ 1:27 Iomraidhean Croise

1 KIULONG THSÜRÜ 9:21

arü tsühsoniusobo sherübo lomi ching aninga lakhea, sherü kheak Israelrünü shahde müdükheakshihkhea–harübo Solomonnü azhorü thsüde rhimopü thrütde mokhit, tüsho junangde arübo khihni khiungde lah.

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 9:27

Küyimki Juda kiulongthsüpuh Ahazianü ha ngükhea, apinü Beth-haggan lim alihde tso. Jehunü api müshamde tha, “Api she kipang!” Tüsho arünü api Ibleam ching, Gur wutu lim khora-lolungbe chingnü kip. Jushu api Megiddo lim alihde yü tüsho ju ching sheabah.

ABEKHIT 23:32

Nüsanü arü ki yungsho arü thrünpuhbo ki tangzüng düthsü.

JEREMIA 48:10

Shepünü Atungpuh rhimo ching sühdukchonü muthrumünean; tüsho shepünü thiyih bukpü chingnü nukshang tuklochonü muthrumünean.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

JIHUSUA 21:25

Aniyüzahlim Manase lomi chingnü arü kilim rimlopungbo bede ajihkhi kiuto 2: Taanak tüsho Gathrimmon.

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 1:21

Tüshe Benjamin tsührübonü Jirusalem ching lakhi Jebusrü yankhita mübah; jumonü khihni khiungde Jebusrü ju Benjaminrü lung Jirusalem hing lah.

MAHKHAPRÜ 1:26

Jumonü ju buh mihtsürü ju Hitrü lomi ching yübah kiuto khülang thrün tüsho ju mung Luz de ji; ju mung khihni khiungde lah.

MAHKHAPRÜ 1:28

Küyimki Israelrü müküpde akamkhea, arünü Kananrü ju reangkih-a rhimoshih tüshe arü yankhita mübah.

MAHKHAPRÜ 5:19

Kiulongthsürübo arübah keochih; Kanan kiulongthsürübonü Megiddo keyean Taanak ching keochih tüshe arünü ayankhikhi kukruk, shotoyinchi tümü mulu.

1 SAMUEL 15:9

Saul tüsho mihtsürübonü Agag aningshih, tüsho namfimihnu le moshibo, tüsho moshi nunu le namfimihnunu atsüdakbo mülaksah, tüsho tümükhüh atsübo müthsümünim; yihnüpü mülakhi yungsho athülih-kukrukbo arünü shahde thsümünim.

1 SAMUEL 31:10

Arünü api thsühnuk Astar arüngyam ching yuka zo; tüsho arünü apang ju Beth-shan rhü kheak rhükkih-a zo.