MAHKHAPRÜ 1:1 - AMÜSÜH HÜM CL Bible (BSI)

¹ Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 1:1 Iomraidhean Croise

1 KIULONG THSÜRÜ 22:5

Tüshe Jehoshaphatnü Israel kiulongthsüpuh ki tha, “Akhuhde Atungpuh ki keokhiang.”

ABEKHIT 18:15

Mosanü akü ki alo, “Tümütüsho mihtsürübonü Thrünpuh lümkhi keokhikeorapü I ki arüchoh.

ABEKHIT 28:30

Tüsho mahkhap treangkhümbe kheak ju Urim tüsho Thummim yihkihang, tüsho Aron Atungpuh miki yüchoki jurü akhüh kheak labah. Junangde Israelrü mahkhappü Aron khüh kheak Atungpuh miki mutuklode ahanbah.

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

MAHKHAPRÜ 1:27

Manaserünü Beth-shan ching larü tüsho kiulongbo yungsho Taanak tüsho ju kiulongbo, yungsho Dor ching larü tüsho ju kiulongbo, yungsho Megiddo ching larü tüsho ju kiulongbo ching larü müyankhit; tüshe Kananrünü mutuklode ju ching la.

MAHKHAPRÜ 2:21

Inü she Jihusua shechoki aninga lakhi trükshihbo arü müngühnü yankhita mübah,

MAHKHAPRÜ 2:8

Kheakü Nun tsührü Jihusua Atungpuh yamlarü kam 110 pü ching sheabah.

MAHKHAPRÜ 2:9

Tüsho arünü api ju Gaash Müzüng dukulim, Ephraim müzüngbo ching, Timna Heres ching ayamrüplurüp aredung yean phulung ching kiuyukabah.

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:27

Tüsho Israel mihtsürünü Atungpuh ki keokhi (tümüde ju nimungbo ching Thrünpuh tangzüng sangdan ju ching lakheah,

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”