LUKNÜ ATHRÜTKHI THIYUSHEAK-ATSÜ HUHTANYU 9:43 - AMÜSÜH HÜM CL Bible (BSI)

⁴³ Tüsho Thrünpuh wüntremüretah dünkheaknü arü alalanü müyinsah. Tüshe Jisunü arhimokhi alala kheak mihbüm abannü müyinsahchoki, apinü ajingyanrübo ki tha,

LUKNÜ ATHRÜTKHI THIYUSHEAK-ATSÜ HUHTANYU 9:43 Iomraidhean Croise

MUNGSHIKHÜN 139:14

Inü nü shijihbah, tümüde nünü I atrebe tüsho amüyinsahbe thsüde thrüna lah; amüyinsahbebo ju nü rhimobo lah, tüsho inü khide tsüde mükheahlah.

ZEKARIA 8:6

Wuto Atungpuhnü ha thachoh: Harü nimungbo ching aningkhi mihtsürübo ki amukukbe thsüa lalashe, Wuto Atungpuhnü thachoh, I ki she amukukbe laba shi?

MATHI 17:22

Küyimki jingyanrübo alala Galilee ching rukhüh arükhea, apinü arü ki tha, “Mihtsürü Tsührü ju mihtsürübo khah ching thsungyukjihpü lah.

MARK 6:51

Judüki apinü arü kilim sangkung ching yüzah, tüsho apung ju keamlo. Tüsho arübonü müthakhukpü thsüde khide müyinsah.

LUKNÜ ATHRÜTKHI THIYUSHEAK-ATSÜ HUHTANYU 18:43

Tüsho judüchokinü api mük khimshuh, tüsho Thrünpuh mung shide api dunglim yan. Tüsho mihtsürü alalanü ju ngüchoki Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 4:36

Arü alalanü müyinsah tüsho khülangnü khülang ki thaachih, “Ha tümü yu a? Tümüde thiyukhüm-sühmüh tüsho wunü apinü amünean mebo thiyukhüm jihchoh, tüsho arünü akhiukchoh.”

LUKNÜ ATHRÜTKHI THIYUSHEAK-ATSÜ HUHTANYU 5:26

Arü alala müyinsahde Thrünpuh shijih tüsho atrekhinü mide tha, “Isanü khihni mihmüyinsahbe ngüdo.”

LUKNÜ ATHRÜTKHI THIYUSHEAK-ATSÜ HUHTANYU 5:9

Tümütüsho api le anihbuh lung larü alalanü arünü aramkhi thüngüh kheahbah müyinsah;

LUKNÜ ATHRÜTKHI THIYUSHEAK-ATSÜ HUHTANYU 8:25

Apinü arü ki tha, “Nüsa akin küching la?” Arübo trede alakheah, tüsho müyinsahde khülangnü khülang ki thaachih, “Apung le ke ki thiyukhüm jihbah api yu anikhi ha she a?”

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

2 PETER 1:16

Isanü nüsa ki wu tüsho isa Atungpuh Jisu Khrista arüpü dünkheak thachoki thiyukheanbo kheak mangükih, tüshe api wüntremüretah isa müknü angükhi lah.