LUKNÜ ATHRÜTKHI THIYUSHEAK-ATSÜ HUHTANYU 9:41 - AMÜSÜH HÜM CL Bible (BSI)

⁴¹ Judüki Jisunü alojihde tha, “O akin mülakhi tüsho lakshilim asahkhi lün, külokhüh I nüsa lung laba tüsho nüsa lung arümkheamba? Nü tsührü ju ha kheak bede arang.”

LUKNÜ ATHRÜTKHI THIYUSHEAK-ATSÜ HUHTANYU 9:41 Iomraidhean Croise

2 KIULONG THSÜRÜ 5:8

Tüshe küyimki Israel kiulongthsüpuhnü akhim thorüpkhi Thrünpuh mihtsürü Elishanü asokhea, apinü kiulongthsüpuh kilim thiyusheak yüshih, “Tümüde nünü nü khim thorüpkhea? Api I kilim arüshang, junangde Israel ching wukihrü khülang lah de apinü amükheahbah.”

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 16:28

Tüsho Atungpuhnü Mosa ki tha, “Nüsanü külokhüh I yukhümbo tüsho I yakzanbo zopü thsungloba?

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

WÜHKHE 14:11

Tüsho Atungpuhnü Mosa ki tha, “ Harü mihtsürübonü külokhüh I bahyukba? Tüsho inü arü bolung khinthiyinbe huhhuh she, arünü külokhüh I kheak mükinba?

WÜHKHE 14:27

“ I azhihde dapdapneangneangkhi amütsü boto kheak inü külokhüh arümpü? Israelrü tsührübonü I azhihde dapdapneangneangkhi inü sodo.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 12:39

Tüshe apinü arü ki alo, “Amütsü tüsho müzammüram lünnü amütsan yimchoh, tüsho wukihrü Jona amütsan kheak hobah tümü amütsan müjihde alabah.

MATHI 12:45

Judüki apinü yübah api kheaknü alü mihbukmuyuk mebo püpü thüne anihbuh lung bebah ju ching yüzahchoh tüsho lachoh; tüsho mihtsürü kuhi ju atan kheaknü ashube amütsübe kamchoh. Junangde mihbukmuyuk lün kheak she jude alabah.”

MATHI 16:4

Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 23:36

Atsütsü inü nüsa ki thachoh, harü alala ha lünkhe kheak arübah.

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

MARK 10:49

Jumonü Jisunü zhikde zhip tüsho api jiang de tha. Judüki arünü müktukkhi mihtsürü ju jibah api ki tha, “Asühang. Asürang, apinü nü jichoh.”

MARK 9:19

Apinü arü ki alo, “O akin mülakhi lün, külokhüh I nüsa lung laba? Külokhüh inü nüsa lung arümba? I kilim bede arang.”

LUKNÜ ATHRÜTKHI THIYUSHEAK-ATSÜ HUHTANYU 8:25

Apinü arü ki tha, “Nüsa akin küching la?” Arübo trede alakheah, tüsho müyinsahde khülangnü khülang ki thaachih, “Apung le ke ki thiyukhüm jihbah api yu anikhi ha she a?”

LUKNÜ ATHRÜTKHI THIYUSHEAK-ATSÜ HUHTANYU 9:40

Jumonü inü nü jingyanrübo ki ju yankhitpü mushu, tüshe arünü mukuk.”

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

JOHAN 20:27

Judüki apinü Thoma ki tha, “Ha ching nü khah chungang, tüsho I khahbo kheak kheahang, tüsho ju I rheang ching yukang. Mükinde düla, tüshe kinang.”

YUNIRÜBO RHIMO 13:18

Tüsho apinü kam yirü sunglo ching arü küm.

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

YUZÜNGTHALO 32:5

Arünü api ki thsümünimde rhimodo, arü kheak lapha kihkhinü arübo kheaküa api tsührü yung; arübo bephülapkhi tüsho akhürang lün.

IBRI 3:19

Jumonü mükinkhi hode arünü ayüzahpü mukukkheah de isanü ngüchoh.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.