LUKNÜ ATHRÜTKHI THIYUSHEAK-ATSÜ HUHTANYU 9:38 - AMÜSÜH HÜM CL Bible (BSI)

³⁸ Zukleangnü boto chingnü mihtsürü khülangnü zhide tha, “Thsangyurü, inü nü ki mushuchoh, I tsührü kheak kheahang, tümüde api I tsührü lapkhiung ah.

LUKNÜ ATHRÜTKHI THIYUSHEAK-ATSÜ HUHTANYU 9:38 Iomraidhean Croise

THRÜNTAN 44:20

Tüsho isanü isa tungpuh ki alo, ‘Isa abuh ashinbuhrü lah, tüsho api ashinshu tsührü, azürü lah; akhiung a sheabahdo, tüsho abe tsührü bolung api lang aninga lah, tüsho abuhnü api muzhochoh.’

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

LUKNÜ ATHRÜTKHI THIYUSHEAK-ATSÜ HUHTANYU 7:12

Api ju kiuto chipiripit thüninde alachoki, kheahang, khimoberü lapkhiung tsührü shea shuhkhita lakheah; tüsho kiuto chingnü boto ato alibe lung lakheah.

LUKNÜ ATHRÜTKHI THIYUSHEAK-ATSÜ HUHTANYU 9:37

Ashidopü küyimki arü awung chingnü akikhea, yimto atonü api shoru.

LUKNÜ ATHRÜTKHI THIYUSHEAK-ATSÜ HUHTANYU 9:39

Tüsho kheahang, amünean menü api rama lah, tüsho zukleangnü arungchoh; junü api zünga adanchoh, junangde amün ching mükeke rhukrhukchoh. Hanü api arothsünnü bahkhichoh.

JOHAN 4:47

Küyimki apinü Jisu ju Judea chingnü Galilee ching akhiukdo de asokhea, apinü yü tüsho akibah atsührü thsüngupü api ki mushu, tümüde api ashepü thsüde alakheah.