LUKNÜ ATHRÜTKHI THIYUSHEAK-ATSÜ HUHTANYU 9:35 - AMÜSÜH HÜM CL Bible (BSI)

³⁵ Judüki amo chingnü düsheak akhiukde tha, “Ha inü mokhitkhi I tsührü ah. Api ki aniang!”

LUKNÜ ATHRÜTKHI THIYUSHEAK-ATSÜ HUHTANYU 9:35 Iomraidhean Croise

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

MATHI 12:18

“Ha ching inü amokhitkhi I yamlarü, inü amuzhokhi tüsho inü asühkhi lah; inü api kheak I me lashihbah, tüsho apinü trükshihbo ki thiyuro zhiyukbah.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MARK 1:11

Tüsho yinmi chingnü düsheak khülang arü: “Nü inü amuzhokhi I tsührü; nü kheak I mulong keamchoh.”

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

LUKNÜ ATHRÜTKHI THIYUSHEAK-ATSÜ HUHTANYU 9:34

Apinü ha thade alachoki, amo arübah arü liudo; tüsho arü amo ching yüzahchoki trede alakheah.

JOHAN 12:28

Abuh, nü mung müretahang.” Judüki yinmi chingnü düsheak khülang arü, “Inü müretahdo tüsho kheaküshe müretahbah.”

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 3:15

Amüsühyunü ha thachoh, “Khihni, nüsanü api düsheak sochoki azhihkhi ching nangde nüsa mulong dümüküp.”

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,