LUKNÜ ATHRÜTKHI THIYUSHEAK-ATSÜ HUHTANYU 9:34 - AMÜSÜH HÜM CL Bible (BSI)

³⁴ Apinü ha thade alachoki, amo arübah arü liudo; tüsho arü amo ching yüzahchoki trede alakheah.

LUKNÜ ATHRÜTKHI THIYUSHEAK-ATSÜ HUHTANYU 9:34 Iomraidhean Croise

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

DANIEL 10:8

Junangde ha michih ato kheahpü I langzü aninga lakheah. I sühmüh mülade kam, tüsho I miro pheakmulukdo kamabah, tüsho I tümü müthsükhukde kam.

LUKNÜ ATHRÜTKHI THIYUSHEAK-ATSÜ HUHTANYU 9:33

Tüsho arübo api kinü chamachihchoki, Peternü Jisu ki tha, “Atungpuh, isa ha ching lapü tsülah; tüsho isanü nü le Mosa tüsho Elija thsungkheak abande khimyam mahsam thsanü”–apinü tümü thachonü mümükheahde alakheah.

LUKNÜ ATHRÜTKHI THIYUSHEAK-ATSÜ HUHTANYU 9:35

Judüki amo chingnü düsheak akhiukde tha, “Ha inü mokhitkhi I tsührü ah. Api ki aniang!”

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

MAHKHAPRÜ 13:22

Manoanü aniube ki tha, “Isa tsükjide ashebah, tümütüsho isanü Thrünpuh ngüdo!”

MAHKHAPRÜ 6:22

Kheakü api ju Atungpuh yunirü thsüa lah de Gideonnü anikhit. Jumonü Gideonnü tha, “ Aha, O I Tungpuh T HRÜNPU H ! Tümüde inü Atungpuh yunirü mironü miro ngüdo.”