LUKNÜ ATHRÜTKHI THIYUSHEAK-ATSÜ HUHTANYU 9:33 - AMÜSÜH HÜM CL Bible (BSI)

³³ Tüsho arübo api kinü chamachihchoki, Peternü Jisu ki tha, “Atungpuh, isa ha ching lapü tsülah; tüsho isanü nü le Mosa tüsho Elija thsungkheak abande khimyam mahsam thsanü”–apinü tümü thachonü mümükheahde alakheah.

LUKNÜ ATHRÜTKHI THIYUSHEAK-ATSÜ HUHTANYU 9:33 Iomraidhean Croise

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 73:28

Tüshe I thsungkheak a Thrünpuh thüninde ayüpü tsülah; inü Atungpuh T HRÜNPU H kheak kinlah, junangde inü nü rhimo alala khipkhitbah.

MATHI 17:14

Küyimki arünü boto ki arükhea, mihtsürü khülang Jisu ki arü tüsho api miki khukning,

MATHI 17:4

Peternü Jisu ki tha, “Atungpuh, isa ha ching lapü tsülah. Nünü mulongsho, nü thsungkheak khülang, Mosa thsungkheak khülang tüsho Elija thsungkheak khülang de inü yünshim mahsam thsanü.”

MARK 10:38

Tüshe Jisunü ane ki tha, “Nükenü tümü kheangchonü ju nükenü mümükheah. Inü ayungkhi pung nükenü ayungkhukba de, tüsho I baptikhi yande nükenü baptikhukba de?”

LUKNÜ ATHRÜTKHI THIYUSHEAK-ATSÜ HUHTANYU 5:5

Tüsho Simonnü alo, “Atungpuh, isanü tsüngreroro rhimobah tümü müram, tüshe nü yu hode inü keangbo jipyukbah.”

LUKNÜ ATHRÜTKHI THIYUSHEAK-ATSÜ HUHTANYU 9:34

Apinü ha thade alachoki, amo arübah arü liudo; tüsho arü amo ching yüzahchoki trede alakheah.

LUKNÜ ATHRÜTKHI THIYUSHEAK-ATSÜ HUHTANYU 9:49

Judüki Johannü alode tha, “Atungpuh, isanü khürü nü mung chingnü amünean mebo yankhitde ngü, tüsho isanü api yanlodo tümütüsho apinü isa lung yande marü.”

JOHAN 14:8

Philipnü api ki tha, “Atungpuh, isa ki Abuh huhang, tüsho ju isa thsungkheak asuhdah ah.”

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.