LUKNÜ ATHRÜTKHI THIYUSHEAK-ATSÜ HUHTANYU 9:19 - AMÜSÜH HÜM CL Bible (BSI)

¹⁹ Jumonü arünü api ki alojihde tha, “Johan Baptijihbuh, tüshe khürünü Elija de thachoh; tüsho püpürünü adüso wukihrü bolung khülang arhang kamloa lah de thachoh.”

LUKNÜ ATHRÜTKHI THIYUSHEAK-ATSÜ HUHTANYU 9:19 Iomraidhean Croise

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 14:2

tüsho apinü ayamlarübo ki tha, “Ha Johan Baptijihbuh ah; api ashekhi chingnü arhang kamlode arüa lah, jumonü ju wunü apinü khinthiyinbebo rhimochoh.”

MATHI 3:1

Judüki Johan Baptijihbuhnü Judea sunglo ching thsangyuthsangrade arü,

MARK 6:14

Kheakü kiulongthsüpuh Herodnü api dünkheak so, tümüde api mung thude kam. Tüsho apinü tha, “Johan Baptijihbuh ashe chingnü arhang kamloa lah, tüsho harü wubonü api kheak rhimochoh.”

MARK 6:15

Khürünü tha, “Ha Elija ah.” Tüsho püpürünü tha, “Ha wukihrü, yungsho khakhih wukihrü khülang nangde lah.”

LUKNÜ ATHRÜTKHI THIYUSHEAK-ATSÜ HUHTANYU 9:18

Api alangzü tamkhüntamnüde alachoki, ajingyanrübonü api lung arü, tüsho apinü arü ki keokhide tha, “I she ah de botobonü thacho?”

LUKNÜ ATHRÜTKHI THIYUSHEAK-ATSÜ HUHTANYU 9:20

Apinü arü ki tha, “Tüshe I she ah de nüsanü thacho?” Peternü alode tha, “Thrünpuh yo Khrista ah.”

JOHAN 1:21

Tüsho arünü api ki keo, “Dale tüsho she a? Nü Elija a shi?” Apinü alo, “I a yung.” Arünü keo, “Nü wukihrü a shi?” Tüsho apinü alo, “Yung.”

JOHAN 1:25

Tüsho arünü api ki keokhide tha, “Nü ju Khrista, Elija yungsho wukihrü she yungsho tümü thsüde nünü bapticho?”

JOHAN 7:40

Jumonü boto ching ahihkhühnü ha thakhi sobah tha, “Atsütsü ha wukihrü ah.”

JOHAN 9:17

Arünü mük tuka lakhi mihtsürü ki thalo, “Nü mük khimshuhkhi hode nünü api dünkheak küde thacho?” Apinü alo, “Api wukihrü khülang ah.”