LUKNÜ ATHRÜTKHI THIYUSHEAK-ATSÜ HUHTANYU 9:18 - AMÜSÜH HÜM CL Bible (BSI)

¹⁸ Api alangzü tamkhüntamnüde alachoki, ajingyanrübonü api lung arü, tüsho apinü arü ki keokhide tha, “I she ah de botobonü thacho?”

LUKNÜ ATHRÜTKHI THIYUSHEAK-ATSÜ HUHTANYU 9:18 Iomraidhean Croise

MATHI 14:23

Küyimki apinü arü müzütshihkhea, apinü tamkhüntamnüpü müzüng ching wutu. Tüsho küyimki arelim kamkhea, api alangzü lakheah.

MATHI 26:36

Judüki Jisunü arü lung Gethsemane de ajikhi dangpung ching arü, tüsho jingyanrübo ki tha, “I ju ching yübah tamkhüntamnüchoki ha kheak bincholang.”

LUKNÜ ATHRÜTKHI THIYUSHEAK-ATSÜ HUHTANYU 11:1

Api dangpung khülang ching tamkhüntamnüde labah arün thsüshu, jingyanrü bolung khülangnü arübah tha, “Atungpuh, Johannü api jingyanrübo ki thsangyukhi nangde isa ki tamkhüntamnüpü thsangyuang.”

LUKNÜ ATHRÜTKHI THIYUSHEAK-ATSÜ HUHTANYU 3:21

Kheakü küyimki mihtsürü alala, tüsho Jisu she baptibah tamkhüntamnüde alakhea, thüning khimshuh-a lakheah,

LUKNÜ ATHRÜTKHI THIYUSHEAK-ATSÜ HUHTANYU 6:12

Ju kim ching apinü tamkhüntamnüpü awung ching yü; tüsho tsüngreroro apinü mutuklode Thrünpuh ki tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 9:19

Jumonü arünü api ki alojihde tha, “Johan Baptijihbuh, tüshe khürünü Elija de thachoh; tüsho püpürünü adüso wukihrü bolung khülang arhang kamloa lah de thachoh.”

LUKNÜ ATHRÜTKHI THIYUSHEAK-ATSÜ HUHTANYU 9:28

Tüsho harü thabah nimung tizheah dunglim, apinü Peter, Johan, tüsho Jakob bea lubah tamkhüntamnüpü awung lim yü.

LUKNÜ ATHRÜTKHI THIYUSHEAK-ATSÜ HUHTANYU 9:29

Tüsho api tamkhüntamnüde alachoki, miro müthriabah, tüsho api khimmihbo müyedo tüsho zhingzhing kam.