LUKNÜ ATHRÜTKHI THIYUSHEAK-ATSÜ HUHTANYU 9:11 - AMÜSÜH HÜM CL Bible (BSI)

¹¹ Tüshe küyimki botonü ju mükheahkhea, arünü api dunglim yan; apinü arü leangkhi tüsho Thrünpuh kiulongthsü dünkheak thade athsüngupü yihnüpü larü thsüngujih.

LUKNÜ ATHRÜTKHI THIYUSHEAK-ATSÜ HUHTANYU 9:11 Iomraidhean Croise

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

MATHI 12:15

Tüshe küyimki Jisunü ju mükheahkhea, apinü ju chingnü akhinabah; yimto atonü api dunglim yan, tüsho apinü arü alala thsüngujih.

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

MATHI 21:31

Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

LUKNÜ ATHRÜTKHI THIYUSHEAK-ATSÜ HUHTANYU 1:53

Apinü khümde alarü atsübonü bukthsüshih, tüsho alarü khah keangkeang tsoshih.

LUKNÜ ATHRÜTKHI THIYUSHEAK-ATSÜ HUHTANYU 5:31

Jisunü arü ki alo, “Tsüde alarü thsungkheak thümürü yihnüpü müla, tüshe tukthsürü thsungkheak ah;

LUKNÜ ATHRÜTKHI THIYUSHEAK-ATSÜ HUHTANYU 8:1

Ju dunglim apinü kiutobo tüsho kiulongbo ching Thrünpuh kiulongthsü thiyusheak atsü thsangyuthsangrade yü. Arü thürükheak mahne ju api lung bekheah,

LUKNÜ ATHRÜTKHI THIYUSHEAK-ATSÜ HUHTANYU 8:10

apinü tha, “Nüsa kilim a Thrünpuh kiulongthsü aramyubo mükheahpü jih-a lah; junangde arünü kheahkheah she mükheahkhit, tüsho anini she manikhit.

LUKNÜ ATHRÜTKHI THIYUSHEAK-ATSÜ HUHTANYU 9:10

Küyimki amüsüh-thsangyurübonü alode arükheanü arünü arhimokhi alala api ki thaa huh. Tüsho apinü arü bea lubah Bethsaida kiuto yo azhik dangpung ching mükhingde yü.

LUKNÜ ATHRÜTKHI THIYUSHEAK-ATSÜ HUHTANYU 9:12

Küyimki arelim kamkhea, jingyanrü thürükheak mahne arübah api ki tha, “Arübo mühi kiutobo tüsho lomi ching yübah binkheamde tsühyungbe ngüshihpü thsüde boto thiyia tsoshang; tümüde isa ha azhik dangpung ching lah.”

LUKNÜ ATHRÜTKHI THIYUSHEAK-ATSÜ HUHTANYU 9:2

Apinü arübo Thrünpuh kiulongthsü thsangyuthsangrapü tüsho tukthsü thsüngupü yüshih.

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

YUNIRÜBO RHIMO 28:31

Mulong tode tüsho müdukiuhlode apinü Thrünpuh kiulongthsü thsangyuthsangra tüsho Atungpuh Jisu Khrista dünkheak thsangyu.

ROMRÜ KILIM PAULNÜ ATHRÜTKHI KIHÜM HUHTANYU 10:14

Tüshe arünü mükinkhi ki mihtsürübonü küde ajiba? Tüsho arünü küyimkishe musobuh ki küde akinba? Tüsho thsangyuthsangrarü mülade arünü küde asoba?

ROMRÜ KILIM PAULNÜ ATHRÜTKHI KIHÜM HUHTANYU 10:17

Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 15:3

Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.