LUKNÜ ATHRÜTKHI THIYUSHEAK-ATSÜ HUHTANYU 8:52 - AMÜSÜH HÜM CL Bible (BSI)

⁵² Kheakü alalanü alibe thsungkheak trip tüsho tüzho; tüshe apinü tha, “Dütrip; alibe müshe, tüshe yaplah.”

LUKNÜ ATHRÜTKHI THIYUSHEAK-ATSÜ HUHTANYU 8:52 Iomraidhean Croise

THRÜNTAN 23:2

Sara Kanan lomi Kiriath-arba (ju Hebron) ching sheabah, tüsho Abrahamnü Sara thsungkheak tüzhopü tüsho mitrippü yü.

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

ABEKHIT 24:17

Israelrü mük ki müzüng müjuk kheak Atungpuh müretahkhi ju aniuabahbe motru nangde alakheah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 11:17

‘Isanü nüsa thsungkheak khungpi khungdo, tüshe nüsanü mütsün; isanü nüsa ki mitrip khün thsü, tüshe nüsanü mütüzho.’

LUKNÜ ATHRÜTKHI THIYUSHEAK-ATSÜ HUHTANYU 23:27

Tüsho mihtsürü yimto atonü api dunglim yan tüsho aliberübonü she api thsungkheak tripde tüzho.

LUKNÜ ATHRÜTKHI THIYUSHEAK-ATSÜ HUHTANYU 23:48

Tüsho ju ching mukhungkhi boto alalanü ju dünjikhi ngübah arü khühbo yüm tüsho alode tso.

LUKNÜ ATHRÜTKHI THIYUSHEAK-ATSÜ HUHTANYU 8:51

Küyimki api thüyam ching yüzahkhea, Peter, Jakob, Johan, tüsho alibe abuh le abe kheak hode she yüzahpü mümülü.

LUKNÜ ATHRÜTKHI THIYUSHEAK-ATSÜ HUHTANYU 8:53

Tüsho alibe ju shea lah de mükheahbah arünü api ki münejih.

JOHAN 11:4

Jisunü ju sobah tha, “Ha tukthsü ju ashebe yung, tüshe Thrünpuh tsührü müretahbah.”