LUKNÜ ATHRÜTKHI THIYUSHEAK-ATSÜ HUHTANYU 8:47 - AMÜSÜH HÜM CL Bible (BSI)

⁴⁷ Küyimki alibenü anihbe müjikkhukkhi ngükheanü ajande arü; tüsho api miki mükhümbah anihbenü api qiukhi amütsan tüsho künangde zukleangnü athsüngukheanü mihtsürü alala mikinü khipkhit.

LUKNÜ ATHRÜTKHI THIYUSHEAK-ATSÜ HUHTANYU 8:47 Iomraidhean Croise

MUNGSHIKHÜN 2:11

Tresahde Atungpuh tankihang; tüsho ajande asühachihang.

MUNGSHIKHÜN 38:9

Atungpuh , I künkhi alala nü miki lah; I sheak dükipkhi nü kheaknü müram.

MUNGSHIKHÜN 66:16

Nüsa Thrünpuh trerü alala, arang tüsho aniang, tüsho apinü I me thsungkheak tümü rhimoa lanü inü athabah.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

HOSEA 5:3

Inü Ephraim mükheahlah, tüsho Israel I kheaknü jika müla; tümüde kheakü, O Ephraim, nünü yüliyüra ahorido; Israel müneana lah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

MATHI 28:8

Jumonü arünü trede tüsho khide asühde kiuyuk chingnü nahde chamachih, tüsho api jingyanrübo ki thapü alihde yü.

MARK 5:33

Tüshe alibenü trede tüsho ajande, anihbe kheak dünjikhi mükheahde arü tüsho api ki mükhümde api ki thiyuro alala tha.

LUKNÜ ATHRÜTKHI THIYUSHEAK-ATSÜ HUHTANYU 8:46

Tüshe Jisunü tha, “Khürünü I qiudo, tümüde I kheaknü wu wukhiukkhi inü mükheahdo.”

LUKNÜ ATHRÜTKHI THIYUSHEAK-ATSÜ HUHTANYU 8:48

Tüsho apinü alibe ki tha, “I tsah-a, nü akinnü nü thsüngudo. Akhimahe chingnü tsoang.”

YUNIRÜBO RHIMO 16:29

Apinü tsünbo thsungkheak ji tüsho alihde yüzahbah ajande Paul le Sila büne miki mükhüm,

1 KORINT 2:3

Tüsho I nüsa lung ayiuhyiuhkhi, trede tüsho ajankhi ching lakheah;

2 KORINT 7:15

Tüsho nüsa alalanü mihyuanide, trede tüsho ajande api leangkhikhi lümkhitchoki apinü nüsa muzhokhi atobe kamchoh.

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

1 SAMUEL 16:4

Atungpuhnü thiyukhüm jihkhi Samuelnü rhimo, tüsho Bethlehem ching arü. Kiuto azothsürübonü api shorupü ajande arü, tüsho tha, “Nü mungtsü chingnü arücho de?”