LUKNÜ ATHRÜTKHI THIYUSHEAK-ATSÜ HUHTANYU 8:30 - AMÜSÜH HÜM CL Bible (BSI)

³⁰ Jisunü api ki keokhi, “Nü mung she a?” Tüsho apinü alo, “Legion”; tümüde amünean me ahihkhüh api kheak yüzah.

LUKNÜ ATHRÜTKHI THIYUSHEAK-ATSÜ HUHTANYU 8:30 Iomraidhean Croise

MATHI 26:53

Kheakü I kilim yunirü boto thürükheak mahne kheaknü she alü arüshihpü inü I Buh ki mütamkhüntamnükhuk de nüsanü lümcho de?

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 16:9

Küyimki api amu-khip akhuhbe nimung mükikde asürükhea, apinü amünean me thüne yankhitkhi Mari Magdalen ki akhiuka huh.

MARK 5:9

Judüki apinü anihbuh ki keokhi, “Nü mung she a?” Tüsho apinü alo, “I mung Boto ah; tümüde isa ahihkhüh ah.”

LUKNÜ ATHRÜTKHI THIYUSHEAK-ATSÜ HUHTANYU 8:2

tüsho amünean mebo le thsarabo chingnü athsüngukhi liberübo khürü she: amünean me thüne wukhiukkhi Magdalen de ajikhi Mari lakheah,

LUKNÜ ATHRÜTKHI THIYUSHEAK-ATSÜ HUHTANYU 8:29

Tümüde apinü mihtsürü kheaknü akhiukpü amünean me ki thiyukhüm jih. (Tümütüsho ahihkhüh ki api rama zo; yinchiliubonü rhükbah aheangrü ki zo, tüshe apinü arhükkhibo yihshak tüsho amünean menü bede mütüm ching yü.)