LUKNÜ ATHRÜTKHI THIYUSHEAK-ATSÜ HUHTANYU 8:3 - AMÜSÜH HÜM CL Bible (BSI)

³ tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

LUKNÜ ATHRÜTKHI THIYUSHEAK-ATSÜ HUHTANYU 8:3 Iomraidhean Croise

1 KIUTHSÜYUKHEAN 29:14

“Tüshe isanü ha akeangnü jihchungkhukkhi ha I tüsho I mihtsürübo she a? Tümüde kukruk alala nü kilimnü arüchoh, tüsho nü yo isanü nü jihdo.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

MATHI 14:1

Ju kim ching Galilee yakzanshuhrü Herodnü Jisu dünkheak so,

MATHI 14:3

Tümütüsho müngühlim aniurü Philip niube Herodia dünkheaknü Herodnü Johan rama rhükbah rihyam ching yuk.

MATHI 14:6

Tüshe Herod zübe nimung thünio ching Herodia tsührübenü arü miki tsün tüsho Herod asühshih.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 20:8

Jumonü küyimki arelim kamkhea, kurungasolu putungpuhnü api kimthsübuh ki tha, ‘Rhimorübo jiang, tüsho ashurünü akhuhrü khiungde arü mihkhah dün jihang.’

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 26:11

Tümütüsho nüsa lung zhochihrü kamruhroro labah, tüshe I a kamruhroro müla.

MATHI 27:55

Tüsho Galilee chingnü Jisu dunglim yande api tankihrü aliberü ahihdonü limshu chingnü kheahde alakheah,

LUKNÜ ATHRÜTKHI THIYUSHEAK-ATSÜ HUHTANYU 24:10

Amüsüh-thsangyurübo ki harü tharübo ju Mari Magdalen, Joanna, Jakob abe Mari tüsho arü lung püpürü liberübo lakheah.

JOHAN 12:6

Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

FILIPI 4:22

Amüsührü alala, adungto thsüde Kaesar yamkhünnü nüsa kilim salüm jihchoh.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.