LUKNÜ ATHRÜTKHI THIYUSHEAK-ATSÜ HUHTANYU 8:24 - AMÜSÜH HÜM CL Bible (BSI)

²⁴ Arünü yü tüsho api yihmusude tha, “Atungpuh, Atungpuh, isa dükheakchoh!” Apinü asürü tüsho apung le ke abükkhibo thürüh; jurü tukloabah tüsho akhimahede kam.

LUKNÜ ATHRÜTKHI THIYUSHEAK-ATSÜ HUHTANYU 8:24 Iomraidhean Croise

MUNGSHIKHÜN 65:7

nünü ketobo abükde arungkhi, tüsho mihtsürübo arhunganimkhi keamloshih.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

MATHI 14:30

Tüshe küyimki apinü apung müküpkhi ngükhea, api trede alakheah; tüsho keamyukde alakhi apinü zhi, “Atungpuh, I khümkhitang!”

MATHI 8:25

Judüki ajingyanrübonü api ki arü tüsho yihmusude tha, “Atungpuh, isa khümkhitang! Isa dükheakchoh!”

MARK 4:39

Judüki api asürü tüsho apung ki thürüh, tüsho keto ki tha, “Keamloang, zhikde laang!” Apung ju kheamabah tüsho akhimahe ato lakheah.

LUKNÜ ATHRÜTKHI THIYUSHEAK-ATSÜ HUHTANYU 4:35

Tüshe Jisunü api thürühde tha, “Dalan, tüsho api kheaknü akhiukang!” Judüki amüneannü mihtsürü ju arü alala miki jipa bah tüsho api mütrünthsüde akhiukabah.

LUKNÜ ATHRÜTKHI THIYUSHEAK-ATSÜ HUHTANYU 4:39

Apinü yübah alibe ki zhipbah phütsak ju thürüh, tüsho anihbe kheaknü tsoabah; tüsho alibenü nahdü lang wusubah arü mozümodoa kip.

LUKNÜ ATHRÜTKHI THIYUSHEAK-ATSÜ HUHTANYU 5:5

Tüsho Simonnü alo, “Atungpuh, isanü tsüngreroro rhimobah tümü müram, tüshe nü yu hode inü keangbo jipyukbah.”

LUKNÜ ATHRÜTKHI THIYUSHEAK-ATSÜ HUHTANYU 8:25

Apinü arü ki tha, “Nüsa akin küching la?” Arübo trede alakheah, tüsho müyinsahde khülangnü khülang ki thaachih, “Apung le ke ki thiyukhüm jihbah api yu anikhi ha she a?”