LUKNÜ ATHRÜTKHI THIYUSHEAK-ATSÜ HUHTANYU 8:18 - AMÜSÜH HÜM CL Bible (BSI)

¹⁸ Nüsanü künangde anichonü kümkangang; tümüde shepü lanü alü jihlobah, tüsho shepü mülanü, apinü lah de alümkhi ju she lude atsobah.”

LUKNÜ ATHRÜTKHI THIYUSHEAK-ATSÜ HUHTANYU 8:18 Iomraidhean Croise

MÜCHITMUDU 14:12

Mihtsürü ki limro khülang alungki nangde lah, tüshe ha akheam ju ashekhi lah.

MATHI 13:12

Tümütüsho shepü lanü api kilim alü jihbah, tüsho api suhdahde alabah; tüshe shepü mülanü, api anikhüh lakhi ju she anihbuh kheaknü lude atsobah.

MATHI 25:29

Tümüde shepü lanü, alü jihlobah, tüsho api muzhomopungde alabah; tüshe shepü mülanü, api lakhi she lude atsobah.

MARK 13:14

“Tüshe küyimki nüsanü ‘adükheakshihpü athraneanbe’ Daniel wukihrünü athakhi amüzhippung ching zhipde angübanü–akherünü anikhitang–judüki sherü Judea ching lanü müzüngbo ching tsoang.

LUKNÜ ATHRÜTKHI THIYUSHEAK-ATSÜ HUHTANYU 19:26

Apinü alo, ‘Inü nüsa ki thachoh, shepü lanü alü jihlobah, tüsho shepü mülanü api lakhi ju she anihbuh kheaknü lude atsobah.

LUKNÜ ATHRÜTKHI THIYUSHEAK-ATSÜ HUHTANYU 9:44

“Harü yubo nüsa nükhünbo ching yüzahshang, tümüde Mihtsürü Tsührü ju mihtsürübo khah ching yukjihpü thsüchoh.”

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

1 KORINT 14:37

Khürünü api wukihrü, yungsho me-larü ah de lümsho, inü nüsa kilim thrütkhi ju Atungpuh yukhüm ah de apinü amükheahbeah.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

1 KORINT 8:2

Khürünü tümükhüh mükheahlah de lümsho, apinü amükheahpü lakhi she mümükheahyi.

FILIPI 3:4

Judüalalashe inü she shih ching mulongram lakhi amütsan lah. Mihtsürü khürünü shih ching mulongram lakhi thsungkheak api amütsan lah de lümsho, I alü thsüde lah:

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.