LUKNÜ ATHRÜTKHI THIYUSHEAK-ATSÜ HUHTANYU 7:9 - AMÜSÜH HÜM CL Bible (BSI)

⁹ Küyimki Jisunü ha sokheanü apinü anihbuh ki müyinsah, tüsho rholobah api dunglim yankhi boto ki tha, “Inü nüsa ki thachoh, Israel ching she akin ha ruk inü müngü.”

LUKNÜ ATHRÜTKHI THIYUSHEAK-ATSÜ HUHTANYU 7:9 Iomraidhean Croise

MATHI 15:28

Judüki Jisunü alo tüsho alibe ki tha, “O aliberü, nü akin tolah! Nünü alunekhi mülüjihdo.” Tüsho atsührübe ju kim chingnü nguabah.

MATHI 8:10

Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MATHI 9:33

Küyimki amünean me ju ayankhitkhea, mihtsürü junü thiyu tha, tüsho botonü müyinsahde tha, “Israel ching hanangde müdünjiakheah.”

LUKNÜ ATHRÜTKHI THIYUSHEAK-ATSÜ HUHTANYU 7:10

Tüsho küyimki yunithsürübo thüyam lim alode ayükheanü, arünü yamlarü ju ngua ngü.

LUKNÜ ATHRÜTKHI THIYUSHEAK-ATSÜ HUHTANYU 7:50

Tüsho apinü alibe ki tha, “Nü yo akinnü nü khümkhitdo; mungtsü chingnü tsoang.”

LUKNÜ ATHRÜTKHI THIYUSHEAK-ATSÜ HUHTANYU 7:8

Tümütüsho I she I bukkhüp bonungrü zobah, thiyukhüm-sühmüh khüp lakhi mihtsürü khülang ah: inü khülang ki yüang de thasho apinü yüchoh; tüsho püpürü ki arang de thasho apinü arüchoh; tüsho I yamlarü ki ju rhimoang de thasho apinü rhimochoh.”