LUKNÜ ATHRÜTKHI THIYUSHEAK-ATSÜ HUHTANYU 7:47 - AMÜSÜH HÜM CL Bible (BSI)

⁴⁷ Jumonü inü nü ki thachoh, anihbe neak hihde alakhi bahjihdo, tümüde alibenü khide muzhodo; tüshe shepü anikhüh neak bahjihkheanü anikhüh muzhochoh.”

LUKNÜ ATHRÜTKHI THIYUSHEAK-ATSÜ HUHTANYU 7:47 Iomraidhean Croise

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

MIKA 7:19

Nünü isa kheak mihmuzholobah; nünü isa mülimkhibo müphü khüp thrümbah. Nünü isa neakbo alala keto asük ching bahjihbah.

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

LUKNÜ ATHRÜTKHI THIYUSHEAK-ATSÜ HUHTANYU 7:46

Nünü I ku kheak müdangke mümujujih, tüshe alibenü rhümthüneabenü I jing mujujih.

LUKNÜ ATHRÜTKHI THIYUSHEAK-ATSÜ HUHTANYU 7:48

Tüsho apinü alibe ki tha, “Nü neakbo bahjihdo.”

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 5:20

Alakmihkhi alü kamshihpü yakzan arü, tüshe küching neak alü kamchonü mihmüthsüm alü kamchoh,

2 KORINT 5:14

Tümüde Khrista amuzhonü isa danlochoh, tümütüsho alala dünkheaknü khülang shedo de isanü mütsanlah, jumonü api shekhi ching alalanü shihcham luchoh.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

1 JOHAN 4:19

Isanü muzhochoh, tümütüsho apinü akhuhde isa muzho.

1 JOHAN 5:3

Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.