LUKNÜ ATHRÜTKHI THIYUSHEAK-ATSÜ HUHTANYU 7:39 - AMÜSÜH HÜM CL Bible (BSI)

³⁹ Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

LUKNÜ ATHRÜTKHI THIYUSHEAK-ATSÜ HUHTANYU 7:39 Iomraidhean Croise

2 KIULONG THSÜRÜ 5:20

Thrünpuh mihtsürü Elisha yamlabuh, Gehazinü lüm, “Siriarü Naamannü ajihkhi müleangkhide I putungpuhnü khide thülihde tsoshihdo. Atungpuh lale, inü api dunglim alihbah tüsho api kilimnü tümükhüh ngübah.”

MÜCHITMUDU 23:7

tümüde apinü amulong ching lümkhi nangde, api ju ah. “Tsühang tüsho yungang!” de apinü nü ki thachoh, tüshe api mulong nü kheak müla.

ISAIA 65:5

shepünü thacho, “ Nü khanguhang, I thüninde darü, tümüde nü thsungkheak a I khide amüsüh lah.” Harübo I nupung ching mokhüh ah, nimung amuyung takkhi mo lah.

MATHI 20:16

Junangde ashurü ju akhuhrü kambah, tüsho akhuhrü ju ashurü kambah.”

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MARK 7:21

Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

LUKNÜ ATHRÜTKHI THIYUSHEAK-ATSÜ HUHTANYU 12:17

Tüsho apinü aküdahnü lümde tha, ‘Inü küde athsüba, tümütüsho hi zopü akhiungshak müla?’

LUKNÜ ATHRÜTKHI THIYUSHEAK-ATSÜ HUHTANYU 15:2

Tüsho Pharisirü le yakzan thsangyurübonü neangneangde tha, “Ha mihtsürünü aneakrübo leangkhichoh tüsho arü lung yimtsühchoh.”

LUKNÜ ATHRÜTKHI THIYUSHEAK-ATSÜ HUHTANYU 16:3

Judüki khinkihthsübuhnü aküdah thsüde tha, ‘I küde athsüba? Tümüde I putungpuhnü khinkih thsüpü I kheaknü lude tsochoh. Inü alo mukiukhuk; inü akheangpü achihlah.

LUKNÜ ATHRÜTKHI THIYUSHEAK-ATSÜ HUHTANYU 18:4

Apinü anükhüh kheak jude müthsü; tüshe anükhüh labah apinü aküdah thsüde tha, ‘Inü Thrünpuh mütre yungsho mihtsürü ki akinashu müjih-a lalashe,

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

LUKNÜ ATHRÜTKHI THIYUSHEAK-ATSÜ HUHTANYU 7:37

Tüsho kheahang, kiuto liberü aneakrü khülangnü küyimki api Pharisibuh yam ching dükhüm ki binlah de asokheanü rhümthüneabe, lunglangpung khülang lubah arü,

LUKNÜ ATHRÜTKHI THIYUSHEAK-ATSÜ HUHTANYU 7:38

tüsho alibenü api dunglim ajing ki tripde zhipbah achikenü ajing pangjihpü tankih. Jushu alibenü akuyünü nanjihbah ajing kheak müthsüp tüsho rhümthüneabe bukkihjih.

LUKNÜ ATHRÜTKHI THIYUSHEAK-ATSÜ HUHTANYU 7:40

Tüsho Jisunü api ki alojihde tha, “Simon, inü nü ki tümüanü athapü lah.” Apinü alo, “Ju tümü a, Thsangyurü?”

JOHAN 4:19

Alibenü api ki tha, “Atobuh, nü a wukihrü ah de inü kheahkhitlah.

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”