LUKNÜ ATHRÜTKHI THIYUSHEAK-ATSÜ HUHTANYU 7:38 - AMÜSÜH HÜM CL Bible (BSI)

³⁸ tüsho alibenü api dunglim ajing ki tripde zhipbah achikenü ajing pangjihpü tankih. Jushu alibenü akuyünü nanjihbah ajing kheak müthsüp tüsho rhümthüneabe bukkihjih.

LUKNÜ ATHRÜTKHI THIYUSHEAK-ATSÜ HUHTANYU 7:38 Iomraidhean Croise

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

T H S AN GYU T H S AN GR ARÜ 9:8

Nü khimmihbo kamruhroro müyeshang; nü ku kheak müdangke mujuang.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

ISAIA 57:9

Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 5:4

Mitriprübo asühpü, tümüde arübo mulong shukheambah.

LUKNÜ ATHRÜTKHI THIYUSHEAK-ATSÜ HUHTANYU 22:62

Judüki Peternü wukhiuk tüsho düsüknimde trip.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

LUKNÜ ATHRÜTKHI THIYUSHEAK-ATSÜ HUHTANYU 7:37

Tüsho kheahang, kiuto liberü aneakrü khülangnü küyimki api Pharisibuh yam ching dükhüm ki binlah de asokheanü rhümthüneabe, lunglangpung khülang lubah arü,

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

JOHAN 11:2

Ha Mari, shepü niurü Lazar tukthsüde alakheanü, hoju Atungpuh kheak rhümthünea mujujihbe tüsho akuyünü ajing nanjihbe lakheah.

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.