LUKNÜ ATHRÜTKHI THIYUSHEAK-ATSÜ HUHTANYU 7:17 - AMÜSÜH HÜM CL Bible (BSI)

¹⁷ Tüsho api dünkheak ha yusheak Judea tüsho mühi lomi alala ching soride yü.

LUKNÜ ATHRÜTKHI THIYUSHEAK-ATSÜ HUHTANYU 7:17 Iomraidhean Croise

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 9:26

Tüsho ha yusheak lomi alala ching bukhide yü.

MATHI 9:31

Tüshe küyimki arü chamachihkhea, anenü api dünkheak ju lomi alala ching thari.

MARK 1:28

Tüsho nahdü lang Galilee lomi alala ching api thukhi soride yü.

MARK 6:14

Kheakü kiulongthsüpuh Herodnü api dünkheak so, tümüde api mung thude kam. Tüsho apinü tha, “Johan Baptijihbuh ashe chingnü arhang kamloa lah, tüsho harü wubonü api kheak rhimochoh.”

LUKNÜ ATHRÜTKHI THIYUSHEAK-ATSÜ HUHTANYU 4:14

Judüki Jisu ju Me wu chingnü Galilee lim alodarü, tüsho api dünkheak thiyusheak lomi alala ching yü.

LUKNÜ ATHRÜTKHI THIYUSHEAK-ATSÜ HUHTANYU 7:14

Apinü arübah kung ju qiu tüsho ashuhrübonü zhikde zhip. Tüsho apinü tha, “Athrününgtsüng, inü nü ki thachoh, asürang.”