LUKNÜ ATHRÜTKHI THIYUSHEAK-ATSÜ HUHTANYU 7:16 - AMÜSÜH HÜM CL Bible (BSI)

¹⁶ Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

LUKNÜ ATHRÜTKHI THIYUSHEAK-ATSÜ HUHTANYU 7:16 Iomraidhean Croise

MUNGSHIKHÜN 65:9

Nünü alomi rhua kheah tüsho ke duh, nünü ju tode lakhitshih; Thrünpuh yo ayung ju kenü milah; nünü hi bede jih, junangde nünü tsanglunga zo.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

MATHI 15:31

Aduhrünü athakhi, bishia larü tsüde akamkhi, jingkikrü tsahkhi tüsho müktukrünü angükhi ngübah mihtsürübonü müyinsah. Tüsho arünü Israel Thrünpuh shijih.

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MATHI 28:8

Jumonü arünü trede tüsho khide asühde kiuyuk chingnü nahde chamachih, tüsho api jingyanrübo ki thapü alihde yü.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 1:65

Judüki arü mühi larü alala kheak atrepü arü; tüsho Judea lomi alala ching mihtsürübonü ha dünkheak thaachih

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

LUKNÜ ATHRÜTKHI THIYUSHEAK-ATSÜ HUHTANYU 19:44

tüsho nü lung nü tsührübo alo kheak arih-a yapbah; tüsho nü kheak lung khülangnü khülang kheak kheangkihkhi maningshih, tümütüsho Thrünpuh nü kilim arüpü kim nünü mümükheahde lado.”

LUKNÜ ATHRÜTKHI THIYUSHEAK-ATSÜ HUHTANYU 2:20

Tüsho namfimihnu neakrübonü arü ki thakhi nangde arünü alala so tüsho ngübah Thrünpuh müretahde tüsho shijihde alode arü.

LUKNÜ ATHRÜTKHI THIYUSHEAK-ATSÜ HUHTANYU 24:19

Tüsho apinü ane ki tha, “Tümü pürü?” Tüsho anenü api ki alo, “Nazarethrü Jisu dünkheak, shepü Thrünpuh tüsho mihtsürü alala miki rhimo le thiyu ching wuto lakhea,

LUKNÜ ATHRÜTKHI THIYUSHEAK-ATSÜ HUHTANYU 5:26

Arü alala müyinsahde Thrünpuh shijih tüsho atrekhinü mide tha, “Isanü khihni mihmüyinsahbe ngüdo.”

LUKNÜ ATHRÜTKHI THIYUSHEAK-ATSÜ HUHTANYU 5:8

Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”

LUKNÜ ATHRÜTKHI THIYUSHEAK-ATSÜ HUHTANYU 7:15

Ashebuh junü asürü bin, tüsho thiyu thapü tankih. Tüsho Jisunü api ju abe kilim jih.

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

LUKNÜ ATHRÜTKHI THIYUSHEAK-ATSÜ HUHTANYU 8:37

Judüki ju lomi ching lakhi mihtsürü alalanü arü kinü chamachihpü api ki tha, tümüde arü khide trede alakheah. Tüsho apinü sangkung ching yüzahbah alode arü.

LUKNÜ ATHRÜTKHI THIYUSHEAK-ATSÜ HUHTANYU 9:19

Jumonü arünü api ki alojihde tha, “Johan Baptijihbuh, tüshe khürünü Elija de thachoh; tüsho püpürünü adüso wukihrü bolung khülang arhang kamloa lah de thachoh.”

JOHAN 1:21

Tüsho arünü api ki keo, “Dale tüsho she a? Nü Elija a shi?” Apinü alo, “I a yung.” Arünü keo, “Nü wukihrü a shi?” Tüsho apinü alo, “Yung.”

JOHAN 1:25

Tüsho arünü api ki keokhide tha, “Nü ju Khrista, Elija yungsho wukihrü she yungsho tümü thsüde nünü bapticho?”

JOHAN 4:19

Alibenü api ki tha, “Atobuh, nü a wukihrü ah de inü kheahkhitlah.

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 9:17

Arünü mük tuka lakhi mihtsürü ki thalo, “Nü mük khimshuhkhi hode nünü api dünkheak küde thacho?” Apinü alo, “Api wukihrü khülang ah.”

YUNIRÜBO RHIMO 5:5

Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

GALATIA 1:24

Tüsho I dünkheaknü arünü Thrünpuh müretah.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.