LUKNÜ ATHRÜTKHI THIYUSHEAK-ATSÜ HUHTANYU 7:13 - AMÜSÜH HÜM CL Bible (BSI)

¹³ Tüsho küyimki Atungpuhnü alibe ngükhea, apinü anihbe muzhode lüm tüsho alibe ki tha, “Dütrip.”

LUKNÜ ATHRÜTKHI THIYUSHEAK-ATSÜ HUHTANYU 7:13 Iomraidhean Croise

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

MARK 8:2

“Inü botobo muzholah, tümütüsho arübo nimung mahsam I lung lado tüsho atsühpü müla.

LUKNÜ ATHRÜTKHI THIYUSHEAK-ATSÜ HUHTANYU 10:1

Harü dunglim Atungpuhnü püpürü 72 mokhit, tüsho mahne mahnenü api yüpü lakhibo ching amüngühnü yüshih.

LUKNÜ ATHRÜTKHI THIYUSHEAK-ATSÜ HUHTANYU 11:1

Api dangpung khülang ching tamkhüntamnüde labah arün thsüshu, jingyanrü bolung khülangnü arübah tha, “Atungpuh, Johannü api jingyanrübo ki thsangyukhi nangde isa ki tamkhüntamnüpü thsangyuang.”

LUKNÜ ATHRÜTKHI THIYUSHEAK-ATSÜ HUHTANYU 11:39

Tüsho Atungpuhnü api ki tha, “Kheakü nüsa Pharisirünü pung tüsho phuru aleanglim müsühchoh, tüshe nüsa alunglim a yihnelune tüsho mihbukmuyuknü milah.

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 13:15

Judüki Atungpuhnü api ki alo tüsho tha, “Nüsa yiuhkhaprübo! Nüsa mihbüm abannü Amuni moshipung yungsho donki ayam chingnü trünkhia kemüyihjihpü bede müyücho de?

LUKNÜ ATHRÜTKHI THIYUSHEAK-ATSÜ HUHTANYU 17:5

Amüsüh-thsangyurübonü Atungpuh ki tha, “Isa akin tode kamshang.”

LUKNÜ ATHRÜTKHI THIYUSHEAK-ATSÜ HUHTANYU 17:6

Atungpuhnü tha, “Nüsa akin woninji dükhüh lasho, nüsanü ha ayihkoso dung ki thabah, ‘Ayingnü rukkhitang tüsho keto ching khimang,’ tüsho junü nüsa ki mihyuanibah.

LUKNÜ ATHRÜTKHI THIYUSHEAK-ATSÜ HUHTANYU 18:6

Judüki Atungpuhnü tha, “Thiyuro mülakhi mahkhaprünü tümü thakheanü aniake.

LUKNÜ ATHRÜTKHI THIYUSHEAK-ATSÜ HUHTANYU 19:8

Judüki Zakainü zhip tüsho Atungpuh ki tha, “Atungpuh, Atungpuh, inü kukruk shihchamkhüh zhochihrü kilim jihchoh; tüsho inü arükchihnü mudode khürü kilimnü kukruk lua lasho, inü phüyi kinü alü jihlochoh.”

LUKNÜ ATHRÜTKHI THIYUSHEAK-ATSÜ HUHTANYU 22:61

Tüsho Atungpuhnü rholobah Peter kheak kheah. Tüsho Peternü apinü anihbuh ki thakhi yu lümkhit, “Thununü mukhungyiki nünü I mahsam ki reanglobah.”

LUKNÜ ATHRÜTKHI THIYUSHEAK-ATSÜ HUHTANYU 24:3

tüshe küyimki arü yüzahkhea, Atungpuh Jisu pang müngü.

LUKNÜ ATHRÜTKHI THIYUSHEAK-ATSÜ HUHTANYU 24:34

tüsho tha, “Atsütsü Atungpuh arhang kamloa lah, tüsho Simon ki akhiuka huhdo!”

LUKNÜ ATHRÜTKHI THIYUSHEAK-ATSÜ HUHTANYU 7:12

Api ju kiuto chipiripit thüninde alachoki, kheahang, khimoberü lapkhiung tsührü shea shuhkhita lakheah; tüsho kiuto chingnü boto ato alibe lung lakheah.

LUKNÜ ATHRÜTKHI THIYUSHEAK-ATSÜ HUHTANYU 7:14

Apinü arübah kung ju qiu tüsho ashuhrübonü zhikde zhip. Tüsho apinü tha, “Athrününgtsüng, inü nü ki thachoh, asürang.”

LUKNÜ ATHRÜTKHI THIYUSHEAK-ATSÜ HUHTANYU 7:19

Tüsho Johannü ajingyanrü bolungnü mahne api kilim jibah Atungpuh kilim yüshihde tha, “Shepü arüpü lanü ju nü a shi, dashi isanü püpürü aleangba?”

LUKNÜ ATHRÜTKHI THIYUSHEAK-ATSÜ HUHTANYU 8:52

Kheakü alalanü alibe thsungkheak trip tüsho tüzho; tüshe apinü tha, “Dütrip; alibe müshe, tüshe yaplah.”

JOHAN 11:2

Ha Mari, shepü niurü Lazar tukthsüde alakheanü, hoju Atungpuh kheak rhümthünea mujujihbe tüsho akuyünü ajing nanjihbe lakheah.

JOHAN 11:3

Jumonü achi pürünü api ki yüshihde tha, “Atungpuh, nünü muzhode alabuh tukthsülah.”

JOHAN 20:13

Judüki anenü alibe ki tha, “Aliberü, tümüde nü tripcho?” Alibenü ane ki alo, “Tümütüsho arünü I Tungpuh lude tsoa lah, tüsho api kükheak yapshihlanü inü mümükheah.”

JOHAN 20:15

Jisunü alibe ki tha, “Aliberü, tümüde nü tripcho? Nü she yimcho?” Alibenü api ju shahwün thsürü ah de lümbah tha, “Atobuh, nünü api lude tsoa lasho api kükheak yapshihlanü I ki thaang, tüsho inü api lude tsoanü.”

JOHAN 4:1

Jumonü, küyimki Jisunü Johan kheaknü alü jingyanrü kamshihde baptijihdo de Pharisirübonü asokhi Atungpuhnü amükheahkhea

JOHAN 6:23

Judüalalashe, Atungpuhnü makshe jihbah arünü yikhap tsühkhi dangpung phüni Tiberia chingnü sangkung püpübo arü.

1 KORINT 7:30

tüsho sherü tüzhochonü, arünü mütüzhokhi nangde, tüsho sherü asühachihchonü, arünü masühachihkhi nangde, tüsho sherü thulochonü, arünü kukruk mülakhi nangde,

1 TESALONIKA 4:13

Keoniorübo, shea larü dünkheak nüsanü mümükheahde mülashihne, yungsho mulonglam mülakhi mihtsürübo nangde mulong murozhakshihne.

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.