LUKNÜ ATHRÜTKHI THIYUSHEAK-ATSÜ HUHTANYU 6:8 - AMÜSÜH HÜM CL Bible (BSI)

⁸ Tüshe apinü arü lümkhibo mükheah, tüsho khah shekhia labuh mihtsürü ki tha, “Arang tüsho ha ching zhipang.” Tüsho apinü wusubah ju ching zhip.

LUKNÜ ATHRÜTKHI THIYUSHEAK-ATSÜ HUHTANYU 6:8 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

JOB HU H T ANYU 42:2

Nünü alala thsükhuklah de inü mükheahlah, nü lümkhi tümünü she müzhipdokhuk.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MARK 3:3

Judüki apinü khah thripshe thsükhi mihtsürü ki tha, “Mikhuhlim arang.”

LUKNÜ ATHRÜTKHI THIYUSHEAK-ATSÜ HUHTANYU 13:12

Tüshe küyimki Jisunü alibe ngükhea, apinü alibe ju api kilim jihbah tha, “Alibe, nü tukthsü chingnü nü zuzu kamdo.”

LUKNÜ ATHRÜTKHI THIYUSHEAK-ATSÜ HUHTANYU 5:22

Küyimki arünü akeokhikhi Jisunü anikhitkheanü apinü arü ki tha, “Tümüde nüsanü nüsa mulong ching keokhicho?

LUKNÜ ATHRÜTKHI THIYUSHEAK-ATSÜ HUHTANYU 6:9

Tüsho Jisunü arü ki tha, “Inü nüsa ki keokhichoh, Amuni atsü thsüpü yungsho athsümünim rhimopü, rhangdung khümkhitpü yungsho ju thsümünimpü yakzan la shi?”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 9:4

Nimung lachoki I thiyibuh rhimobo inü arhimobeah; shenü she mürhimokhukpü thsüde azhing arüchoh.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 26:26

Tümüde kiulongthsüpuhnü hadürü dünkheak mükheahlah, tüsho inü nü ki zuzu thsüde thachoh; nünü harü aban mükheahdo de inü mütsanlah, tümüde hadürü amühit ching ramde mürhimo.

FILIPI 1:28

Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.