LUKNÜ ATHRÜTKHI THIYUSHEAK-ATSÜ HUHTANYU 6:7 - AMÜSÜH HÜM CL Bible (BSI)

⁷ Tüsho yakzan thsangyurü le Pharisirübonü api azhihde amüdampü thsüde, apinü Amuni thsünguba shi yungnü api kheak kheahde la.

LUKNÜ ATHRÜTKHI THIYUSHEAK-ATSÜ HUHTANYU 6:7 Iomraidhean Croise

MUNGSHIKHÜN 38:12

I rhangdung yimrünü I thsungkheak qimürip thsüchoh; I yuripü yimrünü athsümünim asukchoh, tüsho nimung amuyung mülapmüji lümkhi thsüchoh.

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

MATHI 5:39

Tüshe amütsü mihtsürü ki dathrihlo de inü nüsa ki thachoh. Khürünü nü müchip tsülim damsho, api kilim khülim she leangjang.

MARK 3:2

Tüsho arünü api amülim jihpü thsüde apinü Amuni anihbuh thsünguba shi yungnü api kheahmüripde alakheah.

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

LUKNÜ ATHRÜTKHI THIYUSHEAK-ATSÜ HUHTANYU 20:20

Jumonü arünü api kheah, tüsho api ju kovünor wu tüsho thiyukhüm-sühmüh ching jihpü api yubo chingnü anihbuh rampü thiyuro-lungkirü ah de thsübah rükramrübo yüshih.

JOHAN 9:16

Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.