LUKNÜ ATHRÜTKHI THIYUSHEAK-ATSÜ HUHTANYU 6:49 - AMÜSÜH HÜM CL Bible (BSI)

⁴⁹ Tüshe shepünü sobah jurü mürhimonü khimtan mülade alo kheak thüyam thsükhi mihtsürü kiphahlah; ju kheak düchinü zün, tüsho zukleangnü keam, tüsho ju yam thsümünimkhi mihtrebe lakheah.”

LUKNÜ ATHRÜTKHI THIYUSHEAK-ATSÜ HUHTANYU 6:49 Iomraidhean Croise

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

HOSEA 4:14

Inü nü tsührübebonü jilihjikhün ahorichoki, yungsho nü tsühmeakbebonü müzammüramchoki arü müthsümüchi; tümüde athrürübonü jilihjikhünrü lung zangrünü yüchoh, tüsho arüngyam beyaprü lung shuhmülanga jihchoh; hanangde anikhitkhi mülarü mihtsürü athsümünim kamchoh.

MATHI 23:3

Jumonü nüsanü arü ki mihyuaniang tüsho arünü nüsa ki thakhi lüpdükhi rhimoang; tüshe arünü arhimokhi dürhimo, tümüde arünü tümü thsangyuthsangrachonü ju mürhimochoh.

MATHI 24:10

Tüsho judüki ahihkhühnü akin ching tuklobah, khülangnü khülang thsungyukachihbah tüsho thraneanachihbah.

MARK 4:17

tüsho arü kheak aying mülakhinü anükhüh kheak lang lachoh. Ju dunglim küyimki thiyu hode thsümütsü-ato yungsho thsümüchi akhiukbanü, nahdü lang arü ayokhichoh.

LUKNÜ ATHRÜTKHI THIYUSHEAK-ATSÜ HUHTANYU 12:47

Tüsho yamlarü shepünü nihbuh putungrü lümkhi mükheahbah, müthsakhamkhea yungsho api lümkhi yande mürhimokheanü ahihdo ki rhapbah.

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

LUKNÜ ATHRÜTKHI THIYUSHEAK-ATSÜ HUHTANYU 19:27

Tüshe inü arü kurungkheak kiulong müthsüshihnekhi I riribo ha ching bede arang tüsho arübo I mikinü laksahang.’ ”

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

LUKNÜ ATHRÜTKHI THIYUSHEAK-ATSÜ HUHTANYU 6:48

api ju sükde kiubah lungmi kheak khimtanbah thüyam thsükhi mihtsürü kiphahlah; küyimki düchi arübah ju yam kheak zünkheanü ju majan, tümütüsho ju düküngde thsüa lakheah.

LUKNÜ ATHRÜTKHI THIYUSHEAK-ATSÜ HUHTANYU 7:1

Mihtsürü alalanü sode api yu thakhamshu, apinü Kapernaum ching yüzah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

1 TESALONIKA 3:5

Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.

2 PETER 2:20

Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.