LUKNÜ ATHRÜTKHI THIYUSHEAK-ATSÜ HUHTANYU 6:45 - AMÜSÜH HÜM CL Bible (BSI)

⁴⁵ Mihtsürü atsünü api mulong ching atsü lakhi chingnü atsü akhiukchoh, tüsho mihtsürü amütsünü nihbuh amütsü lakhi chingnü amütsü akhiukshihchoh; tümütüsho mulong ching mide alakhinü amünnü asukchoh.

LUKNÜ ATHRÜTKHI THIYUSHEAK-ATSÜ HUHTANYU 6:45 Iomraidhean Croise

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 59:12

Arü münküp tüsho arü yubo neak lah; arü kükheangkhi ching arü phuhshang, tümütüsho arünü athruchoh tüsho akeangyu thachoh,

MUNGSHIKHÜN 59:7

Atsütsü, arü mün chingnü amapkhitchoh; arü münküp ching nukshangbo lah; tümüde arünü thachoh, “Shenü sola?”

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

MÜCHITMUDU 4:23

Nü lümzülümdokhi kümkangang; tümütüsho ju kenü ah.

JOHAN 7:38

Shepünü I kheak kinbanü amüsühyunü athakhi nangde api mulong chingnü rhangdung ke ayungbo bukbah.”

YUNIRÜBO RHIMO 5:3

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

EFISIA 5:19

Mungshikhünbo, khünbo, tüsho Me khünbo chingnü khülangnü khülang ki thaachihang. Nüsa mulong athrünkhinü Atungpuh ki khün thsang; tüsho khün khungang,

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

JUDNÜ ATHRÜTKHI KIHÜM HUHTANYU 1:15

alala kheak mahkhappü, mükinde arhimokhibo dünkheak arü alala tüsho amükinrü aneakrübonü api azhihde amütsü yubo thakhi bahyukpü!”