LUKNÜ ATHRÜTKHI THIYUSHEAK-ATSÜ HUHTANYU 6:41 - AMÜSÜH HÜM CL Bible (BSI)

⁴¹ Tümü thsükhi nü mük ching lakhi aneak mükheahde nü keoniorü mük ching aneak kheahcho le?

LUKNÜ ATHRÜTKHI THIYUSHEAK-ATSÜ HUHTANYU 6:41 Iomraidhean Croise

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIUTHSÜYUKHEAN 21:6

Tüshe apinü akhekhi ching Levi tüsho Benjamin müthsüru, tümüde kiulongthsüpuh yukhümnü Joab kilim mümülü.

MUNGSHIKHÜN 36:2

Tümüde apinü anihbuh neak müyimkhit yungsho müthranean de nihbuh küdah thsüde changde lümchoh.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

EZEKIEL 18:28

Tümütüsho apinü alakmihkhi alala lümakheahchoh tüsho jurü chingnü rholode tsochoh, tsükjide api alabah; api müshe.

MATHI 7:1

“Mührü yudükhap, junangde nüsa yumükhap.

MARK 8:7

Tüsho arü thüngüh anükhüh lakheah, Jisunü makshe jihbah ju she arü ki ahiuhpü tha.

LUKNÜ ATHRÜTKHI THIYUSHEAK-ATSÜ HUHTANYU 6:40

Jingyanrü khülang ju api thsangyurü kumung yung, tüshe mihbüm abannü küyimki apinü tsüde mükheahkhit-a lubanü anihbuh thsangyurü nangde alabah.

LUKNÜ ATHRÜTKHI THIYUSHEAK-ATSÜ HUHTANYU 6:42

Yungsho nü mük ching lakhi aneak nünü müngüde nü keoniorü ki nü mük ching lakhi aneak inü yihkhitjihanü de küde thsah athakhukba? Nüsa yiuhkhaprü, akhuhde nü mük ching lakhi aneak yihkhita bahang, jushu lang nü keoniorü mük ching lakhi aneak nünü mütsande angübah.

JOHAN 8:7

Jumonü küyimki arünü mutuklode api ki keokhea, apinü asürübah arü ki tha, “Nüsa bolung shepü neak mülanü, apinü akhuhde alibe kheak lungnü kingshang.”

ROMRÜ KILIM PAULNÜ ATHRÜTKHI KIHÜM HUHTANYU 2:1

Jumonü, O mihtsürü, nüsa shepünü püpürü kheak mahkhapchonü amudopü müla; tümüde api kheak mahkhapkhinü nü küdah thsüde bahyukchoh, tümütüsho nü, mahkhaprünü ju nangde rhimochoh.

JAKOB 1:24

tümüde apinü anihbuh ayina kheahchoh tüsho tsoabahchoh tüsho api küruk lakheanü khülangkinü mihabahchoh.