LUKNÜ ATHRÜTKHI THIYUSHEAK-ATSÜ HUHTANYU 6:35 - AMÜSÜH HÜM CL Bible (BSI)

³⁵ Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

LUKNÜ ATHRÜTKHI THIYUSHEAK-ATSÜ HUHTANYU 6:35 Iomraidhean Croise

MUNGSHIKHÜN 112:5

Mihtsürü atsünü amüthsüm lade rhimochoh tüsho nipjihchoh; apinü anihbuh shothsümolo thiyuronü akhualochoh.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MUNGSHIKHÜN 37:26

Api lünnü amüthsüm lah, tüsho püpürü ki nipjihde lachoh; tüsho api tsühsoniusobo müngühmühia lah.

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

MÜCHITMUDU 22:9

Salarü mihtsürü a nihbuh müngühmühibah, tümüde apinü zhochihrü kilim api tsühyungbe jihchoh.

MATHI 5:9

Mungtsü thsürübo asühpü, tümüde arü ki Thrünpuh tsührübo de ajibah.

MARK 5:7

Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.

LUKNÜ ATHRÜTKHI THIYUSHEAK-ATSÜ HUHTANYU 1:32

Api ato labah tüsho Khide Achang tsührü de ajibah; tüsho Atungpuh Thrünpuhnü api kilim apü David kiulongthsübinkiu jihbah.

LUKNÜ ATHRÜTKHI THIYUSHEAK-ATSÜ HUHTANYU 6:36

Nü Buhnü amüthsüm lakhi nangde amüthsüm laang.

JOHAN 13:35

Nüsa khülangnü khülang muzhoachihsho, ha hode nüsa I jingyanrübo ah de alalanü amükheahbah.”

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

2 TIMOTHI 3:2

Tümüde mihtsürübo ju nihbuh muzhorü, sho muzhorü, akükheang, bukakhiuk, lülüshishi, bebuhrü ki mihyumanikhi, makshemüjihkhi, mümüsühkhi,