LUKNÜ ATHRÜTKHI THIYUSHEAK-ATSÜ HUHTANYU 6:27 - AMÜSÜH HÜM CL Bible (BSI)

²⁷ “Tüshe I ki anide alarü nüsabo ki inü thachoh, nüsa riribo muzhoang, nüsa thraneanrü ki atsü rhimoang,

LUKNÜ ATHRÜTKHI THIYUSHEAK-ATSÜ HUHTANYU 6:27 Iomraidhean Croise

1 KIULONG THSÜRÜ 13:6

Kiulongthsüpuhnü Thrünpuh mihtsürü ki tha, “ Kheakü Atungpuh nü Thrünpuh ki mihmuzho mushuang, tüsho I thsungkheak tamkhüntamnüjang, junangde I khah I kilim alodarübah.” Jumonü Thrünpuh mihtsürünü Atungpuh ki mushu; tüsho kiulongthsüpuh khah api kilim alode arü, tüsho atan nangde kamlo.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

MÜCHITMUDU 24:17

Nü riri lungchoki dasühachih, tüsho api jing mükhechoki nü mulong dasüh;

MÜCHITMUDU 25:2

Tümükhüh müyimpü ju Thrünpuh müretahkhi, tüshe tümükhüh yimkhitpü ju kiulongthsürübo müretahkhi lah.

MARK 4:24

Tüsho apinü arü ki tha, “Nüsanü tümü sochonü mulong jihang, Nüsanü adünkhi yande, nüsa kilim adüna jihbah; tüsho nüsa sherünü anichonü, alü she ajihbah.

LUKNÜ ATHRÜTKHI THIYUSHEAK-ATSÜ HUHTANYU 23:34

Judüki Jisunü tha, “Abuh, arü neak bahjang, tümütüsho arünü tümü rhimochonü mümükheah.” Tüsho arünü azan thsüde api khimmihbo chama lu.

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

LUKNÜ ATHRÜTKHI THIYUSHEAK-ATSÜ HUHTANYU 8:18

Nüsanü künangde anichonü kümkangang; tümüde shepü lanü alü jihlobah, tüsho shepü mülanü, apinü lah de alümkhi ju she lude atsobah.”

LUKNÜ ATHRÜTKHI THIYUSHEAK-ATSÜ HUHTANYU 8:8

Tüsho khürü alo atsü ching hiubah mukhuh, tüsho chinü alü thsüde aso.” Apinü ha thachoki zhi, “Shepü asopü nükhün kihlanü aniang.”

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 16:28

Tüshe Paulnü düsheak achangnü zhi, “Nü düyuri tümüde isa alala ha ching lah.”

YUNIRÜBO RHIMO 7:60

Tüsho apinü khukningbah düsheak achangnü zhi, “Atungpuh, arü azhihde ha neak dülümkhitjih.” Küyimki apinü ha thakhea, api sheabah.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.