LUKNÜ ATHRÜTKHI THIYUSHEAK-ATSÜ HUHTANYU 6:23 - AMÜSÜH HÜM CL Bible (BSI)

²³ Ju nimung asühachihang tüsho asühde jukang, tümütüsho kheahang, yinmi ching nüsa thsambah tode lah; tümüde arü bebuhrünü wukihrübo ki jude rhimodo.

LUKNÜ ATHRÜTKHI THIYUSHEAK-ATSÜ HUHTANYU 6:23 Iomraidhean Croise

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

1 KIULONG THSÜRÜ 18:4

küyimki Jezebelnü A TUN GPU H wukihrübo laksahkhamkhea, Obadianü wukihrü chi khülang bea lubah arü thünim thünim lungkhün mahne ching jikshih, tüsho arü kilim yikhap tüsho ke jih.)

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 19:14

Apinü alo, “Wuto Thrünpuh, Atungpuh thsungkheak I khide künsahde alakheah: tümüde Israelrünü nünü tangzüngkhi bahyukbah nü yo kingaün sadam lukkheama bahdo, tüsho nukshangnü nü yo wukihrübo laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 19:2

Judüki Jezebelnü Elija kilim thiyusheak yüshihde tha, “Mürangkhüh shido ha kim ching arü rhangdung nangde inü mürhimoa lasho, thrünpuhbonü I kheak alü she rhimoshang.”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:27

tüsho thaang, ‘ Kiulongthsüpuhnü ha tha: Ha buh ha rihyam ching yukang, tüsho I mungtsü chingnü marüchoki, api ki yikhap tüsho ke lang kipduhang.’”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIULONG THSÜRÜ 6:31

Tüsho apinü tha, “ Khihni Shaphat tsührü Elisha ku kih-a lasho, Atungpuhnü I ki alübe rhimoshang.”

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

ISAIA 35:6

Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 1:41

Tüsho küyimki Marinü salüm jihkhi Elizabethnü asokhea, khungarünü abe nuyam chingnü juk; tüsho Elizabeth ju Amüsüh Menü mide kam.

LUKNÜ ATHRÜTKHI THIYUSHEAK-ATSÜ HUHTANYU 1:44

Tümüde nünü salüm jihkhi düsheak I nükhünnü soakede, I nuyam ching khungarünü asühde juk.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

YUNIRÜBO RHIMO 14:10

düsheak achangnü tha, “Nü jingnü langakindo zhipang!” Tüsho apinü züngmusubah tsah.

YUNIRÜBO RHIMO 3:8

Tüsho apinü jukmusubah tsahde tüsho jukde Thrünpuh mung shide ane lung arüngyam ching yüzah.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 5:3

Ju lang yung, thsünükhinü arümkheam akhiukchoh de mükheahbah isanü isa thsünükhi ching asühachihchoh,

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

JAKOB 1:2

Keoniorübo, küyimki nüsanü rükaki aphuaphu shorubanü alala asühkhi ah de lümang,

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:26

Shepünü akuk ngücho tüsho akheam khiungde I yubo zochonü, inü api kilim trükshihbo kurungkheak wu jihbah,

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.