LUKNÜ ATHRÜTKHI THIYUSHEAK-ATSÜ HUHTANYU 6:22 - AMÜSÜH HÜM CL Bible (BSI)

²² “Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

LUKNÜ ATHRÜTKHI THIYUSHEAK-ATSÜ HUHTANYU 6:22 Iomraidhean Croise

ISAIA 65:5

shepünü thacho, “ Nü khanguhang, I thüninde darü, tümüde nü thsungkheak a I khide amüsüh lah.” Harübo I nupung ching mokhüh ah, nimung amuyung takkhi mo lah.

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 10:39

Shepü nihbuh rhangdung ngüchonü ju adükheakbah, tüsho shepünü I dünkheaknü api rhangdung dükheakchonü ju angübah.

LUKNÜ ATHRÜTKHI THIYUSHEAK-ATSÜ HUHTANYU 20:15

Jumonü arünü kurungasolu chingnü api yankhit tüsho laksah. Jumonü kurungasolu putungrünü arü ki tümü thsüba?

LUKNÜ ATHRÜTKHI THIYUSHEAK-ATSÜ HUHTANYU 21:17

Tüsho I mung dünkheaknü alalanü nüsa thraneanbah.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

JOHAN 12:42

Judüalalashe yakzanshuhrü bolung ahihkhühnü api kheak kin, tüshe Pharisirübo dünkheaknü arünü api ki malokhi, jude yungsho sinagog chingnü ayankhitbah;

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

JOHAN 9:34

Arünü api ki tha, “Nü a neak chingnü zübemusukheah, tüsho nünü isa thsangyucho de?” Tüsho arünü api yankhitabah.

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 PETER 3:14

Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan.