LUKNÜ ATHRÜTKHI THIYUSHEAK-ATSÜ HUHTANYU 6:11 - AMÜSÜH HÜM CL Bible (BSI)

¹¹ Tüshe arübo mulong zhipzhipbe kam tüsho arünü Jisu kheak tümü rhimobeanü khülangnü khülang ki atsangachih.

LUKNÜ ATHRÜTKHI THIYUSHEAK-ATSÜ HUHTANYU 6:11 Iomraidhean Croise

T H S AN GYU T H S AN GR ARÜ 9:3

Alala kilim kuhi rukhüh arükhi ha alomiküp ching amütsü khülang ah. Kheaküshe, alala mulong amütsünü milah; arü arhang lachoki arü mulong ching bünkeangbünru lah, tüsho jushu arü sheabahchoh.

MATHI 16:7

Tüsho arünü arü bolung asukachihde tha, “Ha isanü yikhap mulumonü ah.”

MATHI 21:45

Küyimki amükeam putungrü tüsho Pharisirübonü api yo shihdanglimyubo sokhea, apinü arü dünkheak thachoh de mükheah.

LUKNÜ ATHRÜTKHI THIYUSHEAK-ATSÜ HUHTANYU 4:28

Küyimki arünü ha sokhea, sinagog ching larü alalanü bukakhiuk.

LUKNÜ ATHRÜTKHI THIYUSHEAK-ATSÜ HUHTANYU 6:10

Apinü arü alala mükamde kheah, tüsho api ki tha, “Nü khah chungang.” Apinü jude thsü, tüsho anihbuh khah tsüabah.

LUKNÜ ATHRÜTKHI THIYUSHEAK-ATSÜ HUHTANYU 6:12

Ju kim ching apinü tamkhüntamnüpü awung ching yü; tüsho tsüngreroro apinü mutuklode Thrünpuh ki tamkhüntamnü.

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

YUNIRÜBO RHIMO 4:15

Tüshe küyimki arünü ane kiuthsü-binkiu chingnü wungdo wukhiukpü thiyukhüm jihkhea, arünü arü bolung atsangachih,

YUNIRÜBO RHIMO 4:19

Tüshe Peter le Johan bünenü arü ki alo, “Thrünpuh kheaknü alü nüsa ki anipü Thrünpuh miki alim la shi yungnü nüsanü lümakheahang.

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.

2 TIMOTHI 3:9

tüshe arübo limshude müyü, tümütüsho mihtsürü mahne nangde arü makhakhi alala ki mütsanbah.