LUKNÜ ATHRÜTKHI THIYUSHEAK-ATSÜ HUHTANYU 5:8 - AMÜSÜH HÜM CL Bible (BSI)

⁸ Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”

LUKNÜ ATHRÜTKHI THIYUSHEAK-ATSÜ HUHTANYU 5:8 Iomraidhean Croise

2 SAMUEL 6:9

Ju nimung Davidnü A TUN GPU H ki tre; apinü tha, “Küde thsah Atungpuh sangdan inü akümpü kamkhea?”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

JOB HU H T ANYU 40:4

Kheahang, I müthülün; inü nü ki tümü aloba? I khahnü I mün kheak hümlah.

ABEKHIT 20:19

Judüki arünü Mosa ki tha, “Nünü isa ki asukang tüsho isanü anibah; tüshe Thrünpuhnü isa ki dasukshih, jude yungsho isa ashebah.”

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

MATHI 17:6

Küyimki jingyanrübonü ha sokhea, arünü trede arü miro alo lim mükhüm.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 8:8

Atobuhnü alo, “Atungpuh, nü I yam ching azahpü thsüde I müthülün. Tüshe thiyu khülang lang thaang, tüsho I yamlarü angubah.

LUKNÜ ATHRÜTKHI THIYUSHEAK-ATSÜ HUHTANYU 5:7

Jumonü arünü arübah arungshihpü sangkung püpü ching arü rungachihrü kilim arü khah ayit. Arübo arü tüsho sangkung ane chido mikhiukde akamkhinü keamyukde ayüzahpü tankih.

LUKNÜ ATHRÜTKHI THIYUSHEAK-ATSÜ HUHTANYU 5:9

Tümütüsho api le anihbuh lung larü alalanü arünü aramkhi thüngüh kheahbah müyinsah;

JOHAN 11:32

Küyimki Marinü Jisu lapung arübah api ngükhea, alibenü ajing ki khukningde tha, “Atungpuh, nü ha ching lakhülaa, I niurü müshede alabah.”

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

MAHKHAPRÜ 13:22

Manoanü aniube ki tha, “Isa tsükjide ashebah, tümütüsho isanü Thrünpuh ngüdo!”

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”