LUKNÜ ATHRÜTKHI THIYUSHEAK-ATSÜ HUHTANYU 5:34 - AMÜSÜH HÜM CL Bible (BSI)

³⁴ Jisunü arü ki tha, “Yamkhünkamrü arü lung lachoki nüsanü arhangrü thünio hanrübo khümkeak thsüshihpü kukla de?

LUKNÜ ATHRÜTKHI THIYUSHEAK-ATSÜ HUHTANYU 5:34 Iomraidhean Croise

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

KHÜNBOLUNGKHÜN 6:1

Nü tsübuh külim yüde, O aliberü bolung atsüdakbe? Isanü nü lung api yimpü thsüde nü tsübuh küpü limro ching tsode?

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

MATHI 9:15

Jisunü arü ki alo, “Yamkhünkambuh arü lung lachoki amüyamrübonü atüzhopü kukla de? Tüshe arü kinü yamkhün-kambuh bede atsopü nimungbo arübah, tüsho arünü khümkeak thsübah.

LUKNÜ ATHRÜTKHI THIYUSHEAK-ATSÜ HUHTANYU 5:33

Arünü api ki tha, “Johan jingyanrübo le Pharisirü jingyanrübonü alochode khümkeak thsüchoh tüsho tamkhüntamnüchoh, tüshe nü jingyanrübonü a tsühyungchoh.”

LUKNÜ ATHRÜTKHI THIYUSHEAK-ATSÜ HUHTANYU 5:35

Arü kinü yamkhün-kamrü bede atsopü kim arübah; judüki arünü khümkeak thsübah.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.