LUKNÜ ATHRÜTKHI THIYUSHEAK-ATSÜ HUHTANYU 5:24 - AMÜSÜH HÜM CL Bible (BSI)

²⁴ Junangde alomi ching neak bahjihpü Mihtsürü Tsührü thiyukhüm-sühmüh lah de nüsanü amükheahbah.” Apinü thripshe thsübuh ki tha, “Inü nü ki thachoh, asürang tüsho nü yappung shuh-a lubah thüyam lim yüang.”

LUKNÜ ATHRÜTKHI THIYUSHEAK-ATSÜ HUHTANYU 5:24 Iomraidhean Croise

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

MATHI 16:13

Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 9:6

Junangde alomi ching neakbo bahjihpü Mihtsürü Tsührü wu lah de nüsanü amükheahbah”–judüki apinü thripshe tukthsübuh ki tha, “Asürang, nü yapkiu hanang tüsho nü yam lim yüang.”

LUKNÜ ATHRÜTKHI THIYUSHEAK-ATSÜ HUHTANYU 5:13

Tüsho apinü akhah chungkhitbah api qiude tha, “Inü mulonglah; müsühde kamang.” Tüsho zukleangnü api kheaknü apham dükheakabah.

LUKNÜ ATHRÜTKHI THIYUSHEAK-ATSÜ HUHTANYU 5:18

Tüsho kheahang, mihtsürübonü thripshe mihtsürü khülang yappung kheaknü hande arü, tüsho arünü api ju bede yüzahbah Jisu miki yapshihpü mürang;

LUKNÜ ATHRÜTKHI THIYUSHEAK-ATSÜ HUHTANYU 5:23

‘Nü neakbo bahjihdo,’ yungsho, ‘Asürang tüsho tsahang,’ de athakhi küpü amülübe laba?

LUKNÜ ATHRÜTKHI THIYUSHEAK-ATSÜ HUHTANYU 7:14

Apinü arübah kung ju qiu tüsho ashuhrübonü zhikde zhip. Tüsho apinü tha, “Athrününgtsüng, inü nü ki thachoh, asürang.”

LUKNÜ ATHRÜTKHI THIYUSHEAK-ATSÜ HUHTANYU 8:54

Tüshe apinü alala yankhitbah alibe khah kheaknü thoa lu tüsho jide tha, “Azübe, asürang.”

JOHAN 11:43

Küyimki apinü harü thakheanü düsheak achangnü zhi, “Lazar, akhiukang!”

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 5:27

tüsho api kilim mahkhappü she thiyukhüm-sühmüh jihdo, tümütüsho api ju Mihtsürü Tsührü ah.

YUNIRÜBO RHIMO 14:10

düsheak achangnü tha, “Nü jingnü langakindo zhipang!” Tüsho apinü züngmusubah tsah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 9:34

Tüsho Peternü api ki tha, “Aenea, Jisu Khristanü nü thsüngujihchoh; asürang tüsho nü yapkiu lukang.” Tüsho apinü nahdü lang asürü.

YUNIRÜBO RHIMO 9:40

Tüshe Peternü arü alala wungdo wukhiukshihbah khukning tüsho tamkhüntamnü; jushu pang lim ju rholode apinü tha, “Tabitha, asürang.” Alibenü amükbo rheak tüsho küyimki anihbenü Peter ngükheanü dukomusua bin.

AMIKHEAKAKHIUKKHI 1:13

tüsho tsünpung dubopung bolung mihtsürü tsührü nangde, shulünkhim müphü khiungde yih tüsho suna pangrümbenü atreang mükamde rüma lakheah;