LUKNÜ ATHRÜTKHI THIYUSHEAK-ATSÜ HUHTANYU 5:12 - AMÜSÜH HÜM CL Bible (BSI)

¹² Küyimki api kiuto khülang ching lakhea, aphamnü mide alakhi mihtsürü khülang arü; tüsho küyimki apinü Jisu ngükhea, apinü ami mükhümbah mushude tha, “Atungpuh, nünü mulongsho, I müsühkhitjang.”

LUKNÜ ATHRÜTKHI THIYUSHEAK-ATSÜ HUHTANYU 5:12 Iomraidhean Croise

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

2 KIULONG THSÜRÜ 7:3

Kheakü apham kihrü mihtsürü 4 kiuto chipi ripit aleanglim lakheah, arü khülangnü khülang ki tha, “Tümüde isa ashe khiungde ha kheak binpü?

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 4:6

Kheaküshe Atungpuhnü Mosa ki tha, “Nü khah ju pangkhümpü ching chungyukang.” Jumonü Mosanü api pangkhümpü ching akhah chungyuk, tüsho küyimki apinü ju yihkhitkhea, api khah kheak apham ju phürüm nangde alakheah.

LEVI 13:16

Tüshe küyimki mü ju ngude müyedo kamde arübanü, api amükeambuh kilim yübah,

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

MATHI 26:6

Tüsho küyimki Jisu ju Bethani ching aphamrü Simon yam ching lakhea,

MATHI 9:28

Küyimki api thüyam lim arükhea, müktukrü mihtsürübonü api kilim arü. Jisunü ane ki tha, “Inü ha thsükhuklah de nükenü kincho shi?” Anenü api ki alo, “Am, Atungpuh.”

MARK 5:23

tüsho api ki mushude tha, “I tsührü akheambe ashepü thsüde lah. Arübah anihbe kheak nü khahnü qiujang, junangde anihbe angubah tüsho rhangdung labah.”

LUKNÜ ATHRÜTKHI THIYUSHEAK-ATSÜ HUHTANYU 17:16

tüsho api jing ki ami mükhümbah makshe jih. Tüsho api ju Samariarü lakheah.

LUKNÜ ATHRÜTKHI THIYUSHEAK-ATSÜ HUHTANYU 5:13

Tüsho apinü akhah chungkhitbah api qiude tha, “Inü mulonglah; müsühde kamang.” Tüsho zukleangnü api kheaknü apham dükheakabah.

YUZÜNGTHALO 24:8

“Apham akhiukchoki kümkangang, junangde düshihde kheahyukang tüsho amükeamrü Levirünü nüsa ki thsangyukhi yande rhimoang; inü arübo kilim thiyukhüm jihkhi nangde, nüsanü kümkangde rhimoang.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”