LUKNÜ ATHRÜTKHI THIYUSHEAK-ATSÜ HUHTANYU 4:7 - AMÜSÜH HÜM CL Bible (BSI)

⁷ Jumonü nünü I kingaünsho alala nü yo thsübah.”

LUKNÜ ATHRÜTKHI THIYUSHEAK-ATSÜ HUHTANYU 4:7 Iomraidhean Croise

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

LUKNÜ ATHRÜTKHI THIYUSHEAK-ATSÜ HUHTANYU 17:16

tüsho api jing ki ami mükhümbah makshe jih. Tüsho api ju Samariarü lakheah.

LUKNÜ ATHRÜTKHI THIYUSHEAK-ATSÜ HUHTANYU 4:6

tüsho api ki tha, “Nü kilim inü ha thiyukhüm-sühmüh tüsho arü müretah alala jibah; tümüde ha I kilim jih-a lah, tüsho inü amulungrü kilim ju jihbah.

LUKNÜ ATHRÜTKHI THIYUSHEAK-ATSÜ HUHTANYU 4:8

Jisunü api ki alo, “Ha thrüta lah, ‘Nünü Atungpuh nü Thrünpuh kingaünang, tüsho api lang tankihang.’ ”

LUKNÜ ATHRÜTKHI THIYUSHEAK-ATSÜ HUHTANYU 8:28

Küyimki apinü Jisu ngükheanü zhi tüsho api miki mükhümbah düsheak achangnü tha, “Khide Achang Thrünpuh tsührü Jisu, nü I ki tümü thsüpü la? Inü nü ki mushuchoh, I düthsümüchi.”

AMIKHEAKAKHIUKKHI 22:8

I Johannü harü so tüsho ngü. Tüsho küyimki inü jurü sobah angükhea, I ki huhbuh yunirü jing ki kingaünpü inü mükhüm;

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;