LUKNÜ ATHRÜTKHI THIYUSHEAK-ATSÜ HUHTANYU 4:34 - AMÜSÜH HÜM CL Bible (BSI)

³⁴ “Ah! Nazarethrü Jisu, nünü isa kheak tümü thsüba? Nü isa dükheakshihpü arükhea de? Nü sheanü inü mükheahlah–Israel Thrünpuh yo Amüsüh Khülang ah.”

LUKNÜ ATHRÜTKHI THIYUSHEAK-ATSÜ HUHTANYU 4:34 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

MARK 1:34

Judüki apinü tukthsürü aphuaphu ahihdo thsüngu tüsho amünean mebo yankhit; apinü amünean mebo thiyu müthashih, tümütüsho arünü api mükheah-a lakheah.

MARK 5:7

Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

LUKNÜ ATHRÜTKHI THIYUSHEAK-ATSÜ HUHTANYU 4:33

Tüsho sinagog ching ju amünean me lakhi mihtsürü khülang lakheah; tüsho apinü düsheak achangnü zhi,

LUKNÜ ATHRÜTKHI THIYUSHEAK-ATSÜ HUHTANYU 4:41

Tüsho amüneanbo she arü ahihkhüh chingnü zhide akhiuk, “Nü Thrünpuh tsührü ah!” Tüshe apinü arü thürüh, tüsho athapü arü ki mümülü, tümütüsho api ju Khrista ah de arünü mükheah.

LUKNÜ ATHRÜTKHI THIYUSHEAK-ATSÜ HUHTANYU 8:28

Küyimki apinü Jisu ngükheanü zhi tüsho api miki mükhümbah düsheak achangnü tha, “Khide Achang Thrünpuh tsührü Jisu, nü I ki tümü thsüpü la? Inü nü ki mushuchoh, I düthsümüchi.”

LUKNÜ ATHRÜTKHI THIYUSHEAK-ATSÜ HUHTANYU 8:37

Judüki ju lomi ching lakhi mihtsürü alalanü arü kinü chamachihpü api ki tha, tümüde arü khide trede alakheah. Tüsho apinü sangkung ching yüzahbah alode arü.

YUNIRÜBO RHIMO 16:39

jumonü arünü arübah ane ki neak kheang, tüsho arünü ane bekhitbah kiuto bahbah atsopü tha.

YUNIRÜBO RHIMO 2:27

Tümüde nünü I me Ashe-lomi ching mübahyuk, yungsho nü yo amüsühbuhnü athsümünim müngüshih.

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

JAKOB 2:19

Thrünpuh khülang lah de nüsanü kinchoh; tsülah! Arimrinü she kinchoh tüsho trede ajanchoh.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.