LUKNÜ ATHRÜTKHI THIYUSHEAK-ATSÜ HUHTANYU 4:23 - AMÜSÜH HÜM CL Bible (BSI)

²³ Tüsho apinü arü ki tha, “Tsükjide nüsanü ha müchityu wuh-a thabah, ‘Thümürü, nü küdah thsüde thsünguang; nünü Kapernaum ching tümü rhimokhi isanü asokheanü, nü kiuto ha ching she rhimoang.’ ”

LUKNÜ ATHRÜTKHI THIYUSHEAK-ATSÜ HUHTANYU 4:23 Iomraidhean Croise

MATHI 13:54

Tüsho küyimki api nihbuh lomi lim arükhea, apinü arü sinagog ching thsangyu, junangde arübo müyinsah tüsho tha, “Ha mihtsürü lümlung tüsho khinthiyinbebo küchingnü ngüa la?

MATHI 4:13

Apinü Nazareth bahjihbah yü tüsho Zebulun le Naphtali ching lakhi keto ki Kapernaum ching la,

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MARK 6:1

Judüki apinü ju chingnü wukhiuk tüsho nihbuh lomi ching arü, tüsho ajingyanrübonü api dunglim yan.

LUKNÜ ATHRÜTKHI THIYUSHEAK-ATSÜ HUHTANYU 2:39

Tüsho küyimki arünü Atungpuh yakzan yande lüpdükhi rhimokhea, arünü Galilee ching, arü kiuto Nazareth lim alodarü.

LUKNÜ ATHRÜTKHI THIYUSHEAK-ATSÜ HUHTANYU 2:51

Tüsho apinü arü lung Nazareth lim alode yü, tüsho arü ki mihyuanide alakheah; tüsho abenü harü alala mulong ching zo.

LUKNÜ ATHRÜTKHI THIYUSHEAK-ATSÜ HUHTANYU 4:16

Apinü anihbuh zode asürüpung Nazareth ching yü, tüsho apinü rhimode alakhi nangde Amuni sinagog ching yüzah. Tüsho apinü akhepü wusu.

LUKNÜ ATHRÜTKHI THIYUSHEAK-ATSÜ HUHTANYU 4:31

Apinü Galilee kiuto Kapernaum ching yüki. Tüsho apinü Amuni arü ki thsangyude alakheah;

LUKNÜ ATHRÜTKHI THIYUSHEAK-ATSÜ HUHTANYU 4:35

Tüshe Jisunü api thürühde tha, “Dalan, tüsho api kheaknü akhiukang!” Judüki amüneannü mihtsürü ju arü alala miki jipa bah tüsho api mütrünthsüde akhiukabah.

LUKNÜ ATHRÜTKHI THIYUSHEAK-ATSÜ HUHTANYU 6:42

Yungsho nü mük ching lakhi aneak nünü müngüde nü keoniorü ki nü mük ching lakhi aneak inü yihkhitjihanü de küde thsah athakhukba? Nüsa yiuhkhaprü, akhuhde nü mük ching lakhi aneak yihkhita bahang, jushu lang nü keoniorü mük ching lakhi aneak nünü mütsande angübah.

JOHAN 4:28

Jushu alibenü kephüh zojihbah kiuto lim alode yü, tüsho mihtsürübo ki tha,

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.