LUKNÜ ATHRÜTKHI THIYUSHEAK-ATSÜ HUHTANYU 4:22 - AMÜSÜH HÜM CL Bible (BSI)

²² Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

LUKNÜ ATHRÜTKHI THIYUSHEAK-ATSÜ HUHTANYU 4:22 Iomraidhean Croise

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MÜCHITMUDU 10:32

Thiyuro-lungkirü münküpbonü tümü aleangkhikhukbe lanü mükheahlah, tüshe mihbukmuyuk mün ju mülapmüji lang ah.

MÜCHITMUDU 16:21

Mulong ching lümlung lakhi ju mütsankhitkhi de jichoh, tüsho thiyu akebonü anikhitkhi rünkihshihchoh.

MÜCHITMUDU 25:11

Thiyu ayede asukkhi ju shotoyinchi ching suna mukhiukbo thürüngkhi nangde lah.

T H S AN GYU T H S AN GR ARÜ 10:12

Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

LUKNÜ ATHRÜTKHI THIYUSHEAK-ATSÜ HUHTANYU 2:47

tüsho api anikhitkhi tüsho alokhi sorü alalanü müyinsah.

LUKNÜ ATHRÜTKHI THIYUSHEAK-ATSÜ HUHTANYU 2:48

Tüsho arünü api ngüchoki müyinsah; tüsho abenü api ki tha, “I tsah-a, tümüde nünü isa ki hade arhimokhea? Kheahang, nü buh tüsho I mulong sansande nü yimde alakheah.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 4:21

Tüsho apinü arü ki thapü tankih, “Khihni nüsanü sode ha amüsühyu dünjido.”

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 6:42

Tüsho arünü tha, “Ha isanü abuh tüsho abe mükheahkhi Josep tsührü Jisu yung de? Apinü küde thsah, ‘I yinmi chingnü akikheah’ de thacho?”

JOHAN 7:46

Atorübonü alo, “Mihtsürü shenü she ha mihtsürü ruk masuk!”

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

TITA 2:8

tüsho mübahyukkhukpü thsüde tsüdakde athakhi huhang, junangde sherünü nü ki azhihchonü isa dünkheak amütsü thapü mülamonü achih ngübah.