LUKNÜ ATHRÜTKHI THIYUSHEAK-ATSÜ HUHTANYU 4:2 - AMÜSÜH HÜM CL Bible (BSI)

² arimrinü nimung yirü rükaki. Jurü nimungbo ching apinü tümü she mütsüh, tüsho jurü kheamabahshu, api khümde alakheah.

LUKNÜ ATHRÜTKHI THIYUSHEAK-ATSÜ HUHTANYU 4:2 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

1 KIULONG THSÜRÜ 19:8

Apinü asürübah tsühyung; jushu apinü ju tsühyungkhi sühmühnü nimung yirü tüsho tsüngre yirü Atungpuh wung Sinai lim yü.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ABEKHIT 24:18

Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 34:28

Ju ching Mosa nimung yirü tüsho tsüngre yirü yikhap mütsüh yungsho ke muyungde alakheah. Tüsho apinü lungbeakbo kheak tangzüng yubo, Thiyuzüng Thürü thrüt.

JONA 3:7

Judüki apinü Nineve ching zhiyukkhi khülang lakheah: “ Kiulongthsüpuh tüsho api yo atorübo yuzüng hode: Mihtsürü yungsho shiwüh, moshi yungsho mihnunü tümü she mütsühake. Arübo müyimkip, yungsho arünü ke muyung.

MATHI 21:18

Yapsu kiuto lim alode arüchoki, api khümde alakheah.

MATHI 4:2

Nimung yirü tüsho tsüngre yirü mütsühyung dunglim api khümabah.

LUKNÜ ATHRÜTKHI THIYUSHEAK-ATSÜ HUHTANYU 4:3

Arimrinü api ki tha, “Nü Thrünpuh tsührü a sho, ha lung yikhap kampü thiyukhüm jihang.”

JOHAN 4:6

Jakob kekhip ju ching lakheah. Jumonü Jisunü hantsah ching keaka lakhinü kekhip ki bin. Ju animuro lakheah.

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

YUZÜNGTHALO 9:25

“Jumonü inü Atungpuh miki nimung yirü tüsho tsüngre yirü mükhüm; tümütüsho Atungpuhnü nüsa dükheakshihbah de tha.

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.

IBRI 2:18

Tümütüsho api thsünü tüsho rükakikhi hode sherü rükakia lanü apinü arungpü kuklah.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

1 SAMUEL 17:16

Filistiabuhnü Israelrü ki yapsu are aban nimung yirü müneahde zhip.