LUKNÜ ATHRÜTKHI THIYUSHEAK-ATSÜ HUHTANYU 4:1 - AMÜSÜH HÜM CL Bible (BSI)

¹ Judüki Jisu Amüsüh Menü mide Jordan chingnü arülo tüsho Menü sunglo ching bede yübah

LUKNÜ ATHRÜTKHI THIYUSHEAK-ATSÜ HUHTANYU 4:1 Iomraidhean Croise

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

1 KIULONG THSÜRÜ 19:4

Tüshe api a nimung khülang hantsahde sunglo ching yü, tüsho arübahle sunglo phütdungsang khüp bin. Api ashebah de apinü keokhi: “Ha suhdahdo; O Atungpuh , kheakü I rhangdung lubah tsoang, tümüde I a isa jipürü kheaknü atsü yung.”

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

LUKNÜ ATHRÜTKHI THIYUSHEAK-ATSÜ HUHTANYU 2:27

Tüsho Menü qiude apinü arüngyam ching arü; tüsho küyimki api thsungkheak yakzan yande arhimopü bebuhrünü khungarü Jisu bede yüzahkhea,

LUKNÜ ATHRÜTKHI THIYUSHEAK-ATSÜ HUHTANYU 3:3

tüsho apinü neak bahpü mulong müthride baptipü thsangyuthsangrade Jordan lomi alala ching yü.

LUKNÜ ATHRÜTKHI THIYUSHEAK-ATSÜ HUHTANYU 3:38

Enosh tsührü, Seth tsührü, Adam tsührü, Thrünpuh tsührü.

LUKNÜ ATHRÜTKHI THIYUSHEAK-ATSÜ HUHTANYU 4:14

Judüki Jisu ju Me wu chingnü Galilee lim alodarü, tüsho api dünkheak thiyusheak lomi alala ching yü.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

JOHAN 1:32

Tüsho Johannü thiyumütsan thsüde tha, “Yinmi chingnü müthrithrümpü nangde me akikhi inü ngü tüsho api ju anihbuh kheak la.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 8:39

Tüsho küyimki ane ke chingnü akhiukkhea, Atungpuh Menü Philip ram; dukhanü api müngüde kam, tüsho asühde api limro ching yü.