LUKNÜ ATHRÜTKHI THIYUSHEAK-ATSÜ HUHTANYU 3:11 - AMÜSÜH HÜM CL Bible (BSI)

¹¹ Tüsho apinü arü ki alo, “Shepü pangkhümpü mahne lanü, apinü amülabuh kilim jihshang; tüsho shepü tsühyungbe lanü apinü she jude thsüshang.”

LUKNÜ ATHRÜTKHI THIYUSHEAK-ATSÜ HUHTANYU 3:11 Iomraidhean Croise

EZEKIEL 18:7

apinü she mujuno, tüshe thiyuchihchimde alukhi shonip jihlochoh. Apinü jangkhijangra müthsü, tüshe akhümrü kilim api tsühyungpü jihchoh tüsho bünkeangrü kilim khimmih jihchoh.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 19:8

Judüki Zakainü zhip tüsho Atungpuh ki tha, “Atungpuh, Atungpuh, inü kukruk shihchamkhüh zhochihrü kilim jihchoh; tüsho inü arükchihnü mudode khürü kilimnü kukruk lua lasho, inü phüyi kinü alü jihlochoh.”

JOHAN 13:29

Tümüde Juda ju sho qiuqiu lamonü thünio thsungkheak arü yihnüpü thulopü yungsho apinü tümükhüh zhochihrü kilim jihpü Jisunü api ki thakheah de khürünü lüm.

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

JAKOB 2:14

I keoniorübo, mihtsürü khülangnü api akin lah de thabah rhimobo mülasho, junü tümü alü thsücho? Api akinnü anihbuh khümkhitpü kukba de?

1 JOHAN 3:17

Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü?

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.