LUKNÜ ATHRÜTKHI THIYUSHEAK-ATSÜ HUHTANYU 24:50 - AMÜSÜH HÜM CL Bible (BSI)

⁵⁰ Apinü Bethani khiungde arü bede wukhiuk, tüsho api khahbo shuhkihbah arü müngühjih.

LUKNÜ ATHRÜTKHI THIYUSHEAK-ATSÜ HUHTANYU 24:50 Iomraidhean Croise

THRÜNTAN 27:4

Tüsho I khilim tsühyungpü akebe, inü akünkhi mozümodobah lude arang, junangde inü atsühbah tüsho I müsheyide inü nü müngühjihbah.”

THRÜNTAN 48:9

Judüki abuh ki alo, “Ha dangpung ching Thrünpuhnü I kilim jihkhi I tsührübo ah.” Tüsho apinü tha, “Muzhobah arübo I kilim bede arang, tüsho inü arü müngühjihbah.”

THRÜNTAN 49:28

Harü ha Israel trük 12 ah, tüsho hanangde nihbuh aban ayekhi müngühmühi apinü arü kilim müngühjihchoki arü abuhnü arü ki thakheah.

LEVI 9:22

Aronnü api khah mihtsürübo kilim shuhkih tüsho arü müngühjih; tüsho neak kingaün, taka kingaün, tüsho mungtsü kingaün banshu, api akiabah.

MATHI 21:17

Tüsho apinü arü bahjihbah kiuto chingnü Bethani lim wukhiuk tüsho ju ching yap.

MARK 10:16

Apinü arübo kapa lubah arü kheak khah nim, tüsho arübo müngühjih.

MARK 11:1

Küyimki arübo Jirusalem phüni Oliv Müzüng ching, Bethphage tüsho Bethani ching arükhea, apinü ajingyanrü mahne thiyia yüshih;

LUKNÜ ATHRÜTKHI THIYUSHEAK-ATSÜ HUHTANYU 24:51

Küyimki apinü arü müngühjihkhea, arü kinü api chamachih tüsho yinmi lim bede yükih.

YUNIRÜBO RHIMO 1:12

Judüki arünü kiuto chingnü mail 1 bande alakhi Oliv Müzüng chingnü Jirusalem lim alode arü.

YUNIRÜBO RHIMO 1:9

Kheakü küyimki apinü harü thakhea, arünü kheahde alachoki api bekih, tüsho arü mük kinü api ju amonü liudoabah.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

JIHUSUA 22:6

Jumonü Jihusuanü arü müngühjihde arü thiyia yüshih; tüsho arübo nihbuh yam lim yü.