LUKNÜ ATHRÜTKHI THIYUSHEAK-ATSÜ HUHTANYU 24:47 - AMÜSÜH HÜM CL Bible (BSI)

⁴⁷ junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

LUKNÜ ATHRÜTKHI THIYUSHEAK-ATSÜ HUHTANYU 24:47 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 49:22

Atungpuh Thrünpuhnü ha thachoh: “ Inü nahde trükshihbo ki I khah shuhkihbah, tüsho mihtsürü ki I yo riphin thokihbah; tüsho arünü nü tsührübo arü khüh kheaknü handarübah, tüsho nü tsührübebo arü dubuh kheaknü ashuhbah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

LUKNÜ ATHRÜTKHI THIYUSHEAK-ATSÜ HUHTANYU 13:34

“O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 5:20

Alakmihkhi alü kamshihpü yakzan arü, tüshe küching neak alü kamchonü mihmüthsüm alü kamchoh,

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

1 JOHAN 2:12

I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo.