LUKNÜ ATHRÜTKHI THIYUSHEAK-ATSÜ HUHTANYU 24:44 - AMÜSÜH HÜM CL Bible (BSI)

⁴⁴ Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

LUKNÜ ATHRÜTKHI THIYUSHEAK-ATSÜ HUHTANYU 24:44 Iomraidhean Croise

THRÜNTAN 14:18

Tüsho Salem kiulongthsüpuh Melkizedeknü yikhap tüsho yukhu lude arü; api ju Khide Achang Thrünpuh amükeamrü lakheah.

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 118:22

Thüyam thsürünü abahyukkhi lung ju amühit-lung adungtobe kamdo.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

EZEKIEL 17:22

Wuto Atungpuhnü ha thachoh: Inü cedar kurungkheaknü adübit lubah tüsho akhimbah; inü aliuhliuh khah athunu dübit chingnü ayihshakbah tüsho müzüng achangbe kheak khimbah.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 14:4

Ju nimung api jing Jirusalem miki aniakhiuklim kheak lakhi Oliv Müzüng kheak zhipbah; tüsho Oliv Müzüng ju aniakhiuklimnü aniyüzahlim jindükhün khide mülihde mahne kamde achambah; junangde müzüng chamkhüh ju dukulim tüsho püpü chamkhüh ju düjinglim anguhbah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 21:8

Tüsho Atungpuhnü Mosa ki tha, “ Müwayinchi phuruto khülang thsüang, tüsho sangkhrih kheak yihkihang; tüsho sherübo nguhbanü ju kheak kheahsho rhangdung labah.”

WÜHKHE 35:25

Jumonü botonü mihtsürü laksahbuh ju ashebuh buhtsührü khah chingnü bekhitbah api tsoyukde ayüpung kiuto ching alode ayüshihbah, tüsho amüsüh müdangkenü amüsühkhitbuh achangbe amükeambuh müshe khiungde api ju ching labah.

MATHI 1:22

Ha alala wukihrü hode Atungpuhnü athakhi dünjipü lakheah:

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 26:54

Dale tüsho judüpü thsüde amüsühyu küde thsah adünjiba?”

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MARK 9:31

Tümüde apinü ajingyanrübo ki thsangyu tüsho arü ki tha, “Mihtsürü Tsührü ju mihtsürübo khah ching yukjihbah, tüsho arünü api laksahbah, tüsho api laksah dunglim, asam nipü arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 21:22

Tümüde harü ju royimkhi nimungbo lah, junangde thrüta lakhi alala dünjibah.

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

LUKNÜ ATHRÜTKHI THIYUSHEAK-ATSÜ HUHTANYU 24:46

Judüki apinü arü ki tha, “Ha thrüta lah, tüsho junangde Khrista ju thsünübah nimung asampü ching arhang kamlopü lakheah,

LUKNÜ ATHRÜTKHI THIYUSHEAK-ATSÜ HUHTANYU 9:22

Tüsho apinü tha, “Mihtsürü Tsührü khide thsünübah, tüsho azothsürübo le amükeam putungrübo tüsho yakzan thsangyurübonü bahyukde alaksahbah tüsho nimung mahsam nipü arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 9:44

“Harü yubo nüsa nükhünbo ching yüzahshang, tümüde Mihtsürü Tsührü ju mihtsürübo khah ching yukjihpü thsüchoh.”

JOHAN 3:14

Tüsho Mosanü sunglo ching phuruto shuhkihkhi nangde, Mihtsürü Tsührü she ashuhkihbah,

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

JOHAN 5:46

Tümütüsho nüsanü Mosa kinkhülaa, nüsanü I kinbah; tümüde apinü I dünkheak thrüt.

YUNIRÜBO RHIMO 13:33

apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah, ‘Nü I tsührü, khihni I nü buh kamdo.’

YUNIRÜBO RHIMO 13:40

Jumonü wukihrübonü athakhi nüsa kheak müdünjipü kümkangang:

YUNIRÜBO RHIMO 2:27

Tümüde nünü I me Ashe-lomi ching mübahyuk, yungsho nü yo amüsühbuhnü athsümünim müngüshih.

YUNIRÜBO RHIMO 3:18

Tüshe wukihrübo alala mün hode Khrista thsünüpü Thrünpuhnü tümü thajungkheanü ha dünjido.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

IBRI 10:1

Yakzan ju atsütsü yungde arüpü lakhi atsü kukruk me lang ah. Jumonü kam abande ju ruk lang laksah-a jihkhinü kingaünpü thüninde arürü küyimkishe khiukdahde mükamshihchoh.

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

IBRI 7:1

Ha buh Melkizedek ha Salem kiulongthsürü tüsho Khide Achang Thrünpuh amükeamrü lakheah. Abrahamnü kiulongthsürü phüyi laksahbah alode arüchoki apinü shoru tüsho api müngühjih,

IBRI 9:8

Ha hode aleangbe arüngkhimyam zhip khiungdüa arüngakopung ching yüzahpü limro mükhimshuh de Amüsüh Menü huhchoh.

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.