LUKNÜ ATHRÜTKHI THIYUSHEAK-ATSÜ HUHTANYU 23:4 - AMÜSÜH HÜM CL Bible (BSI)

⁴ Judüki Pilatnü amükeam putungrübo tüsho boto ki tha, “Inü ha mihtsürü kheak amülim tümü müyimkhit.”

LUKNÜ ATHRÜTKHI THIYUSHEAK-ATSÜ HUHTANYU 23:4 Iomraidhean Croise

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MARK 15:14

Judüki Pilatnü arü ki tha, “Tümü thsükhi, apinü amütsü tümü rhimoa la?” Tüsho arünü alü thsüde zhi, “Api yümkihang!”

LUKNÜ ATHRÜTKHI THIYUSHEAK-ATSÜ HUHTANYU 23:22

Tüsho apinü mahsam kipü arü ki tha, “Tümü thsükhi, apinü amütsü tümü rhimoa la? Inü api kheak ashepü thsüde amütsan tümü müyimkhit. Jumonü inü api rhapbah atsoshihbah.”

JOHAN 18:38

Pilatnü api ki tha, “Thiyuro ju tümü a?” Tüsho küyimki apinü ha thakhea, apinü Jihudarü kilim wungdo wukhiuklobah arü ki tha, “Inü api kheak amülim tümü müyimkhit.

YUNIRÜBO RHIMO 25:25

Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi.

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.

1 PETER 2:22

Apinü neak müyihbeak; amünnü akeangyu mütha.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;